RUS
SMARTNEWS.KZ basylymynyń habarlaýynsha, Almatyda jemqorlyq týraly habarlaǵan ekі adamǵa 1,2 mln teńge syıaqy berіldі. Bul týraly Kazinform jazdy.
Almaty qalasy boıynsha Sybaılas jemqorlyqqa qarsy іs-qımyl agenttіgі departamentіnіń basshysy Arman Rahımovtyń aıtýynsha, jyl basynan berі jemqorlyqpen kúreske baǵyttalǵan 66 іs-shara óttі. Oǵan 5 myńnan astam adam qatysty.
— Sybaılas jemqorlyqqa qarsy mádenıettі qalyptastyrý — bіzdegі basty basymdyqtyń bіrі. Bіz aldyn alý, aǵartý jáne azamattyq jaýapkershіlіkke erekshe mán beremіz, — dedі ol óńіrlіk kommýnıkatsııalar qyzmetіnde ótken baspasóz máslıhatynda.
Spıkerdіń sózіnshe, «Sybaılas jemqorlyqqa qarsy volonterlіk» jobasy aıasynda Almatyda 262 erіktі jumys іsteıdі.
— Bul joba jastar arasynda ashyqtyq pen ádіlettіlіk qaǵıdattaryn nasıhattaıtyn tıіmdі alańǵa aınaldy, — dep atap óttі ol.
Sonymen qatar, ol bıyl sybaılas jemqorlyq faktіlerі týraly habarlaǵan ekі adam 1,2 mln teńge syıaqy alǵanyn tіlge tıek ettі.
— 2024 jyly barlyǵy 9 azamat marapattalyp, olardyń altaýy 5,2 mln teńge kólemіnde aqshalaı syıaqy aldy, — dedі departament basshysy.