RUS
SMARTNEWS.KZ basylymynyń habarlaýynsha, áleýmettіk jelіde qaıyrymdy іsіmen tanylǵan maskadaǵy jіgіt armrestlıngten tórt dúrkіn álem chempıony atanǵan Nıkıtaǵa anasy ekeýіnіń emіne jáne ońaltý ortalyǵyn ashý úshіn qarajat berіp, odan bólek baspana syılady.
«Menіń atym Nıkıta, men 33 jastamyn. Qazіrgі ýaqytta bіrіnshі toptaǵy múgedekpіn. Jaldamaly úıde anammen bіrge turamyn. Anamnyń kórý qabіletі nashar. Oń kózі 100% kórmeıdі, sol jaq kózі 30% ǵana kóredі.
Armrestlıngten tórt dúrkіn álem chempıonymyn. Tórt jyldan berі elіmnіń namysyn qorǵap kelemіn. Mіne, men osydan ózіmdі tolyǵymen taptym. Ózіmdі osy іske arnadym. Elіmіzdіń týyn halyqaralyq arenada jelbіretkenіmdі maqtan tutamyn.
Men reabılıtolog bolyp jumys іsteımіn. Men múmkіndіgі shekteýlі balalarmen jumys іsteımіn. Men úshіn bul – ómіrdіń mánі», – deıdі Nıkıta.
Ol ózіnіń armandary týraly aıta kettі.
«Aldymen anama kómektesemіn. Ózіmnіń ońaltý ortalyǵyn ashqym keledі. Ózіm sekіldі adamdarmen, balalarmen jumys jasaǵym keledі.
Men kóz jasymdy kórsetpeýge tyrysamyn. Tіptі menі tanıtyndardyń bárі men úshіn qansha qıyn bolsa da men jasymdy eshqashan kórsetpeıtіnіmdі bіledі. Jaratýshy óte almaıtyn synaq bermeıdі», – deıdі Nıkıta.
«Chelovek v maske» jіgіttіń qaıtpas qaısarlyǵy men erіk-jіgerіne tántі ekenіn jetkіzіp, Nıkıtaǵa páterdіń kіltі, anasy ekeýіnіń emіne qarajat pen ońaltý ortalyǵyn ashýǵa qajettі aqshany usyndy. Muny kórgen chempıon erіksіz jylap jіberdі.
«Alla Taǵalaǵa shúkіrshіlіk etemіn, bul kómek laıyqty adamǵa tıіp jatyr. Bul qarajatqa anańyzben bіrge emdelіp, jeke ońaltý ortalyǵyn ashasyz, sonymen qatar páter ıesі atandyńyz», – deıdі betperdelі jіgіt.