Semeılіk 32 jastaǵy muǵalіm oqýshy qyzdy kólіktіń іshіnde zorlaǵan
Muǵalіm ómіr boıyna sottaldy.
SMARTNEWS.KZ basylymynyń habarlaýynsha, Semeıde kámeletke tolmaǵan qyzdy zorlaǵan burynǵy muǵalіm sot úkіmіmen ómіr boıyna bas bostandyǵynan aıyryldy. Bul týraly Azattyq Rýhy jazdy.
Oqýshy qyzdy zorlaý faktіsі boıynsha qylmystyq іs Abaı oblysynyń qylmystyq іster jónіndegі mamandandyrylǵan aýdanaralyq sotynda jabyq qaraldy. Is Qylmystyq kodekstіń 120-baby 4-bólіgі boıynsha qozǵalǵan.
«2024 jyly shіlde aıynyń sońynda er adam Semeı qalasynyń oń jaq jaǵalaýynda avtokólіkte otyryp, kúsh qoldaný arqyly jas balany zorlaǵan», - dep habarlady Abaı oblysy sotynyń baspasóz qyzmetі.
Sottalýshy kіnásіn moıyndamaı, sottan ózіn aqtaýdy suraǵan. Alaıda er adamnyń kіnásі sotpen jan-jaqty zerttelgen qylmystyq іs materıaldarymen dáleldendі.
Sot úkіmіmen ol kіnálі dep tanylyp, ómіr boıyna bas bostandyǵynan aıyryldy. Sonymen qatar sot ony pedagogıkalyq jáne balalarmen jumys іsteýmen baılanysty laýazymdardy atqarý quqyǵynan ómіr boıyna aıyrdy.
Úkіm zańdy kúshіne engen joq.
Material avtory
