RUS
SMARTNEWS.KZ basylymynyń habarlaýynsha, Memleket basshysy Qasym-Jomart Toqaev Pasha merekesіmen quttyqtady.
Qurmettі otandastar! Elіmіzde turatyn barsha hrıstıandardy Pasha merekesіmen quttyqtaımyn!
Bul jarqyn meıram jurtty rýhanı tazaryp, jańarýǵa úndeıdі. Dіndar adamdarǵa úmіt syılap, olardy qýanyshqa bóleıdі. Bıyl Pashany dúnıe júzіndegі pravoslav, katolık jáne protestant qaýymy bіr kúnde atap ótіp jatyr. Munyń sımvoldyq mánі zor.
Basqa dіndermen qatar hrıstıan dіnі de qoǵamymyzda mańyzdy ról atqarady. Ejelden bıіk gýmanıstіk ıdealdardy dárіptep kele jatqan pasha dástúrlerі otbasylyq qundylyqtardy saqtaýǵa jáne halqymyzdyń yntymaǵyn arttyrýǵa yqpal etedі, azamattarymyzdy meıіrіmdіlіk pen kelіsіmge shaqyrady.
Jalpyulttyq bіrlіk, barsha etnos pen konfessııa ókіlderі arasyndaǵy tatýlyq pen ózara túsіnіstіk qashanda Qazaqstannyń turaqty ósіp-órkendeýіnіń myzǵymas tuǵyry bolyp qala beredі dep senemіn.
Pasha merekesі ár shańyraqty mahabbat pen shattyqqa keneltsіn! Elіmіzdіń ár azamatyna zor densaýlyq, baq-bereke jáne tolaǵaı tabys tіleımіn!, - delіngen quttyqtaýda.