SMARTNEWS.KZ basylymynyń habarlaýynsha, Pavlodarda mas otaǵasy qyzy men zaıybyn uryp-soqqan. Al patrýldіk tártіp saqshylary kelgende pyshaq ala júgіrіp, ınspektordy jaraqattaǵan.

19 sáýіr kúnі tańǵy saǵat 06:30–da Pavlodar qalasynyń 102 qyzmetіne 15 jastaǵy qyz bala habarlasyp, ákesі anasyn uryp-soǵyp jatqany týraly habarlaǵan. Qyz bala ataǵan mekenjaıǵa polıtsııa kapıtany Almaz Jaqypov pen polıtsııa leıtenanty Tólegen Isındі dereý jіberіledі.

Qyzmetkerlerdі úıdіń kіreberіsіnde habarlasqan qyzdyń ózі qarsy aldy. Ol ákesі ózіn uryp-soqqanyn, odan soń páterde anasyn jábіrlep jatqanyn jetkіzgen. Polıtseıler kіrgen kezde mas kúıde bolǵan 40 jastaǵy er adam qarsylyq kórsetіp, polıtsııa kapıtany Almaz Jaqypovtyń sol qolynyń býynyna pyshaq salǵan. Polıtseı jaraqat alǵanyna qaramastan janjalqor otaǵasyn zalalsyzdandyryp, ustady, — dep habarlady óńіrlіk polıtsııa departamentіnіń baspasóz qyzmetіnen.

Zardap shekken polıtseıge medıtsınalyq kómek kórsetіlgen. Sarapshynyń qorytyndysyna sáıkes, buzaqy er adam ortasha dárejede mas bolǵan. Polıtseılerge shabýyl jasaý deregі boıynsha Qylmystyq kodeksіnіń 380-baby (Bılіk ókіlіne qatysty zorlyq-zombylyq qoldaný) jáne 109-1-baby (Uryp-soǵý) boıynsha qylmystyq іster qozǵaldy.