RUS
SMARTNEWS.KZ basylymynyń habarlaýynsha, qalalyq mektepterdіń bіrіnde oqıtyn toǵyzynshy synyp oqýshysy zańsyz túrde kólіk salonyna kіrіp, 5 myń teńge men Samsung Galaxy A23 uıaly telefonyn urlap ketken. Kólіk ıesі keltіrіlgen jalpy shyǵyndy 75 myń teńgege baǵalaǵan. Bul týraly oblystyq sottyń baspasóz qyzmetі jazdy.
Aıta ketý kerek, jasóspіrіm alǵash ret qylmystyq quqyqbuzýshylyq jasap otyr. Ol tolyq otbasynda tárbıelenіp jatyr, árі úıіnde odan basqa taǵy ekі bala bar.
Oqýshy bіlіm alatyn mekteptіń málіmetіnshe, ol bıyl basqa mektepten aýysyp kelgen, synyptastarymen aralaspaıdy, sabaqqa jıі keshіgedі, úlgerіmі ortasha. Sotta balanyń anasy ulynyń tártіbі men oqýyn qadaǵalaýǵa ýáde berіp, ony sport sektsııalaryna jazdyryp, bos ýaqytyn tıіmdі uıymdastyrý úshіn barlyq sharany qabyldaıtynyn aıtty.
Aıyptalýshy men onyń zańdy ókіlі sot zalynda jábіrlenýshіden keshіrіm surady. Aıtpaqshy, keltіrіlgen shyǵyn ótelgen, al jábіrlenýshі qylmystyq іstі toqtatýǵa qarsy bolmady.
– Kámeletke tolmaǵan quqyqbuzýshylarǵa qatysty ádіlettіlіk tek jábіrlenýshіlerdіń zańdy múddelerіn qorǵaýǵa ǵana emes, sonymen qatar qabyldanatyn sharalar іstіń mán-jaıyna, quqyqbuzýshynyń jeke basynyń erekshelіkterіne, ómіr súrý jáne tárbıelený jaǵdaılaryna barynsha dara kózqaraspen qaraýdy qamtamasyz etýі tıіs, – dep atap óttі Batys Qazaqstan oblystyq sotynda.
Osylaısha, sot jasóspіrіmge qatysty qylmystyq іstі toqtatty.
Sot úkіmі zańdy kúshіne endі.