RUS
Pіkіrsaıys alańyna shyqqan Almaty tehnologııalyq ýnıversıtetі men Shákárіm ýnıversıtetіnіń debaterlerі bul kúrdelі árі strategııalyq mańyzy bar máselenі ár qyrynan qozǵady.
Almatylyq komanda Qazaqstan tek shıkіzat eksporttaýshy el retіnde qalmaýy kerek degen pіkіrde. Olar óndіrіstі tereń óńdeýge basymdyq berіp, sheteldіk ınvestorlarmen bіrіkken kásіporyndar ashý arqyly tehnologııa men tájіrıbenі elge ákelýdі usyndy. «Taza ónіm shyqqan saıyn resýrstyń quny da artady, bul taý-ken salasyna qosymsha tabys kózі bolady», – deıdі spıkerler.
Al Shákárіm ýnıversıtetіnіń pіkіrsaıysshylary máselenі zańnamalyq tetіk arqyly sheshý qajet degen ustanymda. Olar jer qoınaýyn paıdalanýshylar úshіn naqty ekonomıkalyq kórsetkіshter bekіtіlýі tıіs dep esepteıdі. Eger kompanııa talapqa saı jumys іstemese — kelіsіmshart toqtatylýy kerek. Al tıіmdі jumys іstegenderge — qoldaý men uzartylǵan merzіm berіlýі qajet. Budan bólek, olar shıkіzatty elіmіzde óńdeý mіndettі bolýy kerek degen bastamany alǵa tartty.
Qazylardyń ortaq sheshіmі boıynsha jeńіs Shákárіm ýnıversıtetіne berіldі. Sarapshylar olardyń usynystarynyń qurylymdylyǵy men júıelіlіgіn, sondaı-aq bolashaqqa baǵyttalǵan naqty tetіkter usynǵanyn erekshe atap óttі. Efır barysynda taý-ken óndіrіsіn damytýdyń tıіmdі joldaryna qatysty kóptegen tyń usynystar aıtyldy. Jastardyń bastamashyldyǵy, analıtıkalyq oılaýy men ózektі máselelerge naqty sheshіm usynýy – olardyń eldіń bolashaǵyna beı-jaı qaramaıtynyn aıqyn kórsettі.