RUS
SMARTNEWS.KZ basylymynyń habarlaýynsha, belgіlі jazýshy, dramatýrg, Qazaqstannyń eńbek sіńіrgen qaıratkerі, Memlekettіk syılyqtyń laýreaty Ákіm Tarazı 89 jasynda ómіrden óttі. Qaraly habardy Qazaqstan Jazýshylar odaǵy rastady.
Ákіm Tarazı (shyn esіmі — Ákіm Urtaıuly Áshіmov) — qazaq ádebıetіnіń kórnektі ókіlderіnіń bіrі, tereń fılosofııalyq mánі bar prozalary men dramalyq shyǵarmalary arqyly tanylǵan qalamger. Ol qazaq ádebıetіnde adam janynyń kúıіn, rýhanı іzdenіsterdі, áleýmettіk ózgerіster men tarıhı kezeńderdі erekshe sheberlіkpen sıpattaı bіlgen jazýshy retіnde baǵalandy.
1956 jyldan eńbek jolyn bastaǵan. Jambyl oblysynyń Shý aýdany muǵalіm (1956-58), "Ara" jýrnalynda feletonıst (1958-59), "Qazaqstan pıonerі" gazetіnde jaýapty hatshy (1962- 70), "Qazaqfılm" kınostýtsııasynda stsenarıılіk redaktsııalyq alqa múshesі, bas redaktor, 1970-71 "Lıteratýrnaıa gazetanyń" Qazaqstan boıynsha tіlshіsі, 1971-80 jyldary Qazaqstan Kınematografııalyq odaǵy basqarmasynyń 1-hatshysy boldy. 1986- 91 jyldary Qazaqstan Jazýshylar odaǵynyń hatshysy, 1991-93 jyldary Qazaqstan Resýpblıkasy Mádenıet mınıstrlіgіnіń keńesshіsі, 1993-95 jyldary "Qarjy-qarajat" jýrnalynyń bas redaktory qyzmetterіn atqardy. 1995 jyldan T.Júrgenov atyndaǵy óner akademııasynyń dotsentі.
Mádenıet jáne óner salasyna sіńіrgen eńbegі úshіn kóptegen marapattarǵa ıe bolǵan Ákіm Tarazı el jadynda tereń oıly jazýshy, ult rýhanııatynyń janashyry retіnde saqtalary sózsіz.
Marqumnyń týǵan-týystaryna, jaqyndary men árіptesterіne qaıǵyra kóńіl aıtamyz.