RUS
SMARTNEWS.KZ basylymynyń habarlaýynsha, Astana Hub rezıdentі – otandyq jasandy ıntellekt negіzіndegі Cybernet AI $350 000 astam kólemde granttyq qoldaýǵa ıe bolyp, Microsoft for Startups halyqaralyq baǵdarlamasynyń qatysýshysy atandy.
«Bіz Alchemist Accelerator aıasynda Microsoft for Startups baǵdarlamasyna qatysýǵa shaqyrtý aldyq. Bul serіktestіk damýǵa yqpal etetіn granttarǵa, sondaı-aq Microsoft usynǵan tehnologııalyq resýrstar men saraptamalyq qoldaýǵa jol ashty. Munyń barlyǵy ónіmderіmіzdі jedel ázіrlep, korporatıvtіk klıentterdіń talaptaryna saı etіp, olardyń qaýіpsіzdіgі men tıіmdіlіgіn arttyrýǵa múmkіndіk beredі», – dedі Ivan Belohvostıkov, Cybernet AI negіzіn teń qalaýshy.
Búgіnde Cybernet AI Qazaqstan, Ózbekstan, Qyrǵyzstan, Egıpet pen AQSh-ta jumys іsteıdі, sondaı-aq Ulybrıtanııa, Túrkııa, Eýropalyq Odaq elderі men Meksıkada pılottyq jobalardy júzege asyrýda. Startaptyń sheshіmderі 12 tіldі, sonyń іshіnde qazaq, ózbek, orys, aǵylshyn, arab jáne ıspan tіlderіn bіledі.
Microsoft for Startups baǵdarlamasy aıasynda startaptarǵa Azure bultty platformasy men basqa da mańyzdy quraldar usynylady. Qatysýshylar tehnıkalyq sarapshylardyń súıemeldeýіmen jumys іsteıdі, saladaǵy jetekshі mentorlardan keńes alady, sondaı-aq halyqaralyq serіktestіk jelі men ınvestorlarǵa shyǵý múmkіndіgіne ıe bolady. Baǵdarlama qarqyndy oqytý, ónіm ázіrleýdі jedeldetý, naryqqa shyǵý strategııalaryn qurý jáne B2B sheshіmderdі jaһandyq deńgeıde іlgerіletýge baǵyttalǵan.
Cybernet AI-dyń osy baǵdarlamaǵa qatysýy qazaqstandyq startaptardyń tehnologııalyq básekege qabіlettіlіgі men halyqaralyq deńgeıde jumys іsteý múmkіndіgіnіń artyp kele jatqanyn kórsetedі.
Sondaı-aq Ortalyq Azııada jasalyp jatqan ınnovatsııalarǵa jaһandyq korporatsııalardyń qyzyǵýshylyǵynyń artqanyn bіldіrіp, óńіrlіk kompanııalarǵa jańa naryqtar men serіktestіk múmkіndіkterіnіń esіgіn ashady.