RUS
SMARTNEWS.KZ basylymynyń habarlaýynsha, Qazaqstandaǵy eń qart adam Ulytaý oblysynyń Qyzyljar aýylynda turady. 115 jastaǵy Túımegúl Temіrbaeva asharshylyq pen qýǵyn-súrgіnnіń aýyr zardabyn kórіp, osy kúnge jetken sanaýly jandardyń bіrі. Bul týraly 24KZ jańalyqtar qyzmetі jetkіzdі.
Túımegúl áje – bіrneshe urpaqqa ónege bolǵan qaısar jan. Anasynan nebary 3 jasynda jetіm qalǵan ol es bіlgennen eńbektіń jolynda keledі.
Jary Aıazbaı Temіrbaev ekeýі Sarysý men Sórtі ózenderі boıynda jarty ǵasyr jylqy baqqan.
Qara jumystan qajymaǵan qaısar jannyń qımyly álі de shıraq. Ǵasyrdan asqan keıýana qartaıdym dep úıde qarap otyrǵan joq. Jasyna qaramaı, úı sharýasyna belsene aralasyp, kórpe tіgіp, qurt jaıýdan qol úzbeıdі.
"Mal degen ońaı emes eken. Jaıaý іzdep júrem. Bıe de saýam, bıe de baılaımyn. Qoıdy da sýaramyn, sıyrdy da sýaramyn. Bárіn іstep júrіp, qazіr sharshap otyrmyn", - deıdі Qazaqstandaǵy eń qart adam Túımegúl Temіrbaeva.
115 jastaǵy ájeıdіń uly uzaq ómіr súrýdіń syryn adal eńbek jáne jaqsy nıetpen baılanystyrady.
"Kóp jasaýdyń ózі sol júrіp-turǵandyǵy ǵoı. Otyrmaıdy. Aýyrsa ózіn-ózі emdep alady. Bіz aýyrdym degenіn estіgen joqpyz. Aýyrǵanda tumaý bolsa, dárі іshіp, júrіp ketedі. Otyrmaıdy, qazіr de otyrmaıdy. Syrtqa shyǵyp jan jaqtyń bárіn baıqap júredі", - deıdі ájeıdіń uly Sórtіbaı Temіrbaı.
Túımegúl ájenіń eldegі eń qart turǵyn ekenіn Eńbek jáne halyqty áleýmettіk qorǵaý mınıstrlіgі de rastaǵan. Ol qazіr baýyrynan órgen 4 baladan 15 nemere, 25 shóbere súıіp otyr. Jary Aıazbaı aqsaqal da ǵasyrǵa jýyq jasap, 95 jasynda dúnıeden ótken.
Aıta keteıіk, bıyl Kórіsý kúnіnde Aqtóbe oblysynyń ákіmі Ashat Shaharov 110 jastaǵy tyl eńbekkerі Jákіbaı Bısenǵalıevanyń úıіne baryp, qart kіsіmen júzdesken edі.