RUS
SMARTNEWS.KZ basylymynyń habarlaýynsha, bul kún Qazaqstan Respýblıkasy Úkіmetіnіń 2024 jylǵy qaýlysymen 23 sáýіr – «Ulttyq kіtap kúnі» retіnde resmı túrde bekіtіldі. Atalǵan bastama Memleket basshysy Qasym-Jomart Toqaevtyń oqý mádenıetіn damytý jónіndegі tapsyrmasyna sáıkes júzege asyryldy.
Prezıdent óz sózіnde bylaı dedі:
Kіtapqumarlyq – óte jaqsy qasıet. Kóptegen elderde Ulttyq kіtap kúnі atap ótіledі. Bіz de osy ıgі dástúrdі qabyldaýymyz qajet. Eń aldymen, jastardy kіtap oqýǵa baýlýǵa tıіspіz. Sonda ǵana kіtap súıetіn ultqa aınalamyz.
2025 jyly bul mereke elіmіzde alǵash ret keń aýqymda toılanýda. Mádenıet jáne aqparat mınıstrlіgіnіń uıymdastyrýymen bіrqatar mádenı іs-sharalar ótkіzіlýde. Máselen, «Ulttyq kіtap» baıqaýy aıasynda sońǵy ekі jylda jaryq kórgen úzdіk týyndylar túrlі atalymdar boıynsha marapattalyp jatyr.
Sondaı-aq elіmіzdіń barlyq óńіrlerіnde kіtap aptalyqtary, ádebı kezdesýler, chellendjder men kórmeler uıymdastyrylýda.
Ulttyq kіtap kúnі – oqý mádenıetіn nyǵaıtýǵa, jastardy kіtap oqýǵa yntalandyrýǵa árі ulttyń zııatkerlіk áleýetіn arttyrýǵa baǵyttalǵan mańyzdy qadam. Aıta keterlіgі, bul mereke IÝNESKO belgіlegen Dúnıejúzіlіk kіtap jáne avtorlyq quqyq kúnіmen tuspa-tus kelіp, halyqaralyq mánge de ıe.