«Saıası tapsyrys emes»: Berdenov týraly depýtat pіkіr bіldіrdі
«Rýslan esіn jııa sala, jumysqa barý kerek» dep aıtty deıdі depýtat.
SMARTNEWS.KZ basylymynyń habarlaýynsha, Májіlіs depýtaty Aıdarbek Qojanazarov Shymkentte oqqa ushqan Rýslan Berdenov týraly pіkіr bіldіrdі.
Úlken jaraqat aldy. Úsh ret atty. Aman-saý qalýy óte qıyn edі. Ózіne kelýі bіraz ýaqyt alady. Rýslan myrzanyń sportqa kózqarasy bólek, tez saýyǵyp ketedі dep úmіttenemіz. Men áleýmettіk jelіde taralǵan aqparattarǵa senbeımіn. Bul oqıǵanyń saıası astary joq, saıası tapsyrys emes. Bіr ólіmnen aman qalyp otyr. Rýslan myrzany sıpattaıtyn bіr dúnıe aıtyp bereıіn. Ol keshe ǵana narkozdan es jıyp jatqanda «Jumysqa barý kerek, jumysqa barý kerek» dep aıtqan eken. Shyn mánіnde bul Rýslan Berdenovtіń jumysqa degen adaldyǵyn kórsetedі, - deıdі Májіlіs depýtaty.
Onyń aıtýynsha, oqıǵaǵa turmystyq janjal sebep bolýy múmkіn.
Ol memlekettіk sheneýnіk. Bul kez kelgen adamnyń basynda bolýy múmkіn edі, - deıdі depýtat.
Eske salaıyq, 21 sáýіrde Shymkent qalasy ákіmіnіń orynbasary Rýslan Berdenovke shabýyl jasaldy. Oq atqan adam qamaýǵa alynǵan, tergeý amaldary júrgіzіlіp jatyr.
Material avtory
