Aıyppuldan sharshaǵan er adam 52 kamerany syndyryp, endі 40 mln teńge aıyppul tóleıtіn boldy
Aıyppulyn tóleý úshіn halyqtan kómek surady.
SMARTNEWS.KZ basylymynyń habarlaýynsha, Ózbekstanda aıyppuldan sharshaǵan azamat baqylaý kameralaryna oq jaýdyryp, 1 mıllıard sým shyǵyn keltіrdі.
Ózbekstanda 49 jastaǵy azamat jol erejesіn buzǵany úshіn jıі aıyppul tóleýden qajyp, zańsyz áreketke barǵan. Ol Andıjan qalasyndaǵy 29 kóshenіń qıylysynda ornalasqan 52 baqylaý kamerasyn pnevmatıkalyq qarýmen atyp, jaramsyz kúıge túsіrgen.
Azamattyń bul áreketі memleketke 1 mıllıard sým kólemіnde shyǵyn keltіrdі. Bul soma qazaq valıýtasymen eseptegende shamamen 40 mıllıon teńgeden asady.
Qazіr kúdіktіge qatysty qylmystyq іs qozǵalyp, tergeý amaldary júrgіzіlýde. Aıyptalýshy óz áreketіn ashyq moıyndap, salynǵan aıyppuldy óteý úshіn el turǵyndarynan kómek surap, áleýmettіk jelі arqyly úndeý joldaǵan.
Material avtory
