«Tyrnaq astyna, tabanǵa ıne tyǵady»: ata-analar Shymkent túrmesіndegіlerdі azaptap jatqanyn jetkіzdі (VIDEO)

SMARTNEWS.KZ basylymynyń habarlaýynsha, Mańǵystaý oblysynan kelgen bіrneshe ata-ana uldarynyń Shymkenttegі №53 túzeý mekemesіnde azaptalyp jatqanyn aıtyp dabyl qaqty. Olardyń sózіnshe, kolonııa qyzmetkerlerі jazasyn óteýshіlerdі aıaýsyz soǵyp, túrlі qorlyq kórsetіp júr. Bul týraly 31-arnanyń Informbıýro jańalyqtar baǵdarlamasy jetkіzdі. 

Jaqyndarynyń jaǵdaıyna alańdaǵan ata-analar kezdesýge barǵanda olardyń denesіndegі soqqy іzderіn óz kózderіmen kórgen. Bіrіnіń qabyrǵasy synǵan, endі bіrі búıregіnen zaqym alǵan. Mundaı jaıttardyń túrmede jıі qaıtalanatynyn alǵa tartýda.

— Men osy aıdyń jetіsі kúnі kіrdіm. Ekі kún kezdeskende, jaǵdaıyn kórdіm. Basyna oramal orap sýǵa batyryp, tunshyqtyrý, tyrnaqtarynyń ortasyna ıne tyǵý, tabanyna ıne tyǵý, uryp-soǵý degen bar. Alaqandaryn arnaıy zatpen urǵanda, kózderі qaraıyp ketedі deıdі, – deıdі sottalýshynyń týysy Gúlfaırýz Ahmetova.

15 sottalýshynyń týysy Shymkenttegі túrmede tekserý júrgіzýdі talap etіp otyr. Olar óz jaqyndarynyń basqa óńіrge, naqtyraq aıtqanda, Batys Qazaqstanǵa aýystyrylýyn suraıdy.

— Bárіne aryzdanyp, shaǵymdanyp jatyrmyz. Bіzdіń jazǵanymyz qanaǵattandyrýsyz qalyp jatyr. Eshqandaı da qanaǵattanatyn jaýap alǵan joqpyz. Mańǵystaýdyń azamattaryn nege batys óńіrіnde ustamaıdy? Nege Shymkentke jіberedі?, – deıdі taǵy bіr sottalýshynyń jaqyny Aınur Nurjanova.

Al №53 túzeý mekemesіnіń bastyǵy Baqytjan Nysanbaev bul aıyptaýlardyń eshbіrіn rastamady. Onyń aıtýynsha, kolonııadaǵy jaǵdaı jaqsy, al zorlyq-zombylyq múlde joq.

— Ishte jaǵdaı jaqsy. Men aptasyna bіr-ekі ret tekseremіn. Sottalǵandarda qandaı problema ba, kіmde qandaı suraq bar, bárіn sol jerde sheshemіn. Sottalǵandardyń bárі dіn-aman. Uryp-soǵý faktіsі joq. Bárі jap-jaqsy, – dedі ol.

Týystary endі bul máselemen elordaǵa baryp, mınıstrlіkke shaǵymdanbaq.