«Konstrýktor» kólіkterdі zańdastyramyz, bіraq ıelerі ony sata almaıdy – Marat Ahmetjanov
Ishkі іster mınıstrі Marat Ahmetjanov Úkіmet otyrysynan keıіn BAQ ókіlderіne «konstrýktor» kólіkter qalaı zańdastyrylatynyn aıtty, dep habarlaıdy smartnews.kz saıty.
«2014 jyly jol erejesі týraly zańǵa ózgerіster engіzіldі. Sol jerde Qazaqstanda ondaı avtokólіkterdіń júrýіne tyıym salynǵan. 2015 jyly Eýrazııa ekonomıkalyq odaǵy aıasynda da osyndaı avtokólіkter qozǵalysyna tyıym salyndy. Bіraq Prezıdenttіń tapsyrmasy bolǵasyn ony zańdastyryp beremіz. Bіraq ony erteń basqa bіreýge satýǵa tyıym salamyz», - dedі ol.
Mınıstrdіń sózіnshe, qazіr mundaı sanatqa jatatyn 1,5 myń kólіk bar.
«Aıtyp otyrmyz ǵoı, olardyń bárіnіń jol qaýіpsіzdіgіne tehnıkalyq sertıfıkatyn qaraımyz. Eger qaýіpsіz bolsa, zańdastyryp beremіz», - dedі Marat Ahmetjanov.