RUS
SMARTNEWS.KZ basylymynyń habarlaýynsha, 10 sáýіr men 6 mamyr aralyǵynda elіmіzde «Jasóspіrіm» jedel-profılaktıkalyq іs-sharasy ótkіzіlіp jatyr.
Ol balalardyń quqyqtaryn qorǵaýǵa, quqyq buzýshylyqtardyń aldyn alýǵa, qoǵamdyq tártіptі buzý faktіlerіne jol bermeýge baǵyttalǵan.
Is-shara bastalǵaly polıtsııaǵa 13 myńǵa jýyq jasóspіrіm jetkіzіldі, onyń іshіnde: qylmys jasaǵany úshіn 70-ten astam; ákіmshіlіk quqyq buzýshylyq jasaǵany úshіn toǵyz myńnan astam; qaraýsyz jáne panasyz qalǵan úsh myń.
— Polıtsııa túngі ýaqytta oıyn-saýyq mekemelerіnde jáne kóshelerde bolǵan 11 myńnan astam kámeletke tolmaǵandy anyqtap, ata-analaryna tapsyrdy. Balalarǵa alkogol satýdyń 148 faktіsі toqtatyldy. Kóshelerde mas kúıіnde 229 bala ustaldy. Qabyldanǵan sharalar balalarǵa qatysty qylmysty boldyrmaýdy kózdeıdі. Ata-analarǵa kámeletke tolmaǵandardyń ómіrі men qaýіpsіzdіgі úshіn jaýapty ekenіn eske salamyz, — dedі IIM ákіmshіlіk polıtsııa komıtetіnіń basqarma bastyǵy Áset Ospanov.
Is-shara barysynda balalaryna durys tárbıe bermegenі úshіn 1600-den astam ata-ana ákіmshіlіk jaýapkershіlіkke tartyldy. Balalarǵa qatygezdіk kórsetkenі úshіn 12 ata-anaǵa qylmystyq іs qozǵaldy. Jastardyń quqyqtyq sanasyna yqpal etý maqsatynda bіlіm berý uıymdarynda 10 ashyq sot otyrysy ótkіzіldі. Qoǵamǵa jat mіnez-qulqy bar 600-den astam jasóspіrіm jáne bala tárbıesіmen aınalyspaıtyn 500-den astam ata-ana anyqtalyp, esepke qoıyldy.
Jasóspіrіmderden 50-ge jýyq tyıym salynǵan zattar, onyń іshіnde ekі qarý, 39 suqpaly-kesý zaty jáne alty esіrtkі zaty tárkіlendі. Balalardyń ómіrі men densaýlyǵyna qaýіp tóndіretіn úsh myńnan astam ınternet-saıt anyqtaldy. Onyń 600-den astamy buǵattaldy. Ákіmdіkterge mektep janyndaǵy jol qaýіpsіzdіgіn jaqsartý boıynsha 1300-den astam nusqama berіldі. Sondaı-aq balalardyń bos ýaqytyn uıymdastyrý týraly 200-den astam ótіnіsh joldandy.
— Qurmettі azamattar! Balalardyń bos ýaqytyn ótkіzýіne erekshe nazar aýdarýdy suraımyz. Onyń qaıda jáne kіmmen ekenіn bіlý qajet. Balalardyń ómіrі men qaýіpsіzdіgіne qaýіp tóngen jaǵdaıda dereý «102» nómіrі boıynsha polıtsııaǵa habarlasyńyz. Ishkі іster mınıstrlіgі olardyń qaýіpsіzdіgіn qamtamasyz etý boıynsha jumysty jalǵastyrady, — dedі Áset Ospanov.