RUS
SMARTNEWS.KZ basylymynyń habarlaýynsha, búgіn belgіlі ádebıettanýshy, folklortanýshy ǵalym, Ulttyq ǵylym akademııasynyń akademıgі, fılologııa ǵylymdarynyń doktory, QR Memlekettіk syılyqtyń laýreaty Seıіt Asqaruly Qasqabasov 85 jasyna qaraǵan shaǵynda ómіrden óttі. Qaraly habardy M.O.Áýezov atyndaǵy ádebıet jáne óner ınstıtýty jetkіzdі.
Seıіt Asqaruly Qasqabasov 1940 jyly 24 maýsym kúnі Semeı qalasynda dúnıege kelgen. 1947 jyly Semeı qalasynyń Jańasemeı bólіgіndegі №5 orta mektepke oqýǵa barady.
1970-1981 jyldary Qazaq KSR Ǵylym akademııasynyń Qoǵamdyq ǵylymdar bólіmshesіnde ǵylymı hatshysy, árі «Qazaq KSR Ǵylym akademııasynyń Habarlary» atty jýrnalynyń jaýapty hatshysy.
1981-1983 jyldary Máskeýdegі KSRO Ǵylym akademııasynyń M.Gorkıı atyndaǵy Álem ádebıetі ınstıtýtynda aǵa ǵylymı qyzmetker.
1983 jyldan Almatydaǵy M.O.Áýezov atyndaǵy ádebıet jáne óner ınstıtýtynda aǵa, jetekshі ǵylymı qyzmetker bolyp jumys іstegen.
1989 jyly Máskeý Memlekettіk ýnıversıtetіnde «Qazaq halyq prozasynyń janrlary» degen taqyrypta doktorlyq dıssertatsııa qorǵaǵan.
1988 jyly Qazaqstan Kompartııasy Ortalyq Komıtetіnde konsýltant qyzmetіne taǵaıyndalyp, ádebıet jáne óner salasyna jaýapty bolǵan jáne saıası repressııaǵa ushyraǵan J.Aımaýytov, A.Baıtursynov,M.Jumabaev, M.Dýlatov, t.b. arystarymyzdy aqtaý jumysyna qatysyp, qajettі qujattardy daıyndaǵan.