RUS
SMARTNEWS.KZ basylymynyń habarlaýynsha, byltyrǵy jyldyń kúzіnde Talǵardaǵy tóbeleste qaza tapqan Sherzat Bolattyń іsіne qatysty sot otyrysy jalǵasýda. Sotta kýálіk bergen Elmıra Nurbekova oqıǵa ornynda ekі-úsh ret oq atylǵanyn málіmdedі.
Taldyqorǵan qalasynda marqum Sherzat Bolattyń іsіne qatysty sot otyrysy jalǵasýda. Sol túnі oqıǵa ornynda kúdіktіlermen bіrge bolǵan ekі áıeldіń bіrі Elmıra Nurbekova dúken aldynda sur jeıdelі adamnyń ekі-úsh ret oq atqanyn aıtty.
Dúkenge sur jeıdelі bіreý júgіrіp kele jatty. Qolynda myltyq boldy. Ol aspanǵa qarata bіr ret atqanda men kólіkke burylyp kettіm. Sol kezde ol taǵy da atty. Myltyqtyń túsі qara emes, aqshyldaý boldy, – dedі kýáger.
Elmıra Nurbekova sot otyrysynda kýálіk berý barysynda tóbeleske qatysqandardyń eshqaısysynan pyshaq kórmegenіn málіmdedі.
Men eshkіmnіń qolynan pyshaq kórmedіm. Kórsem esіmde qalatyn edі. Tórt -bes adamnyń bіr jіgіttі teýіp jatqanyn kórіp, toqtatý úshіn bіreýіn ustap artqa tartqanymda jerde jatqan adamdy kórdіm. Ony Abzaldyń joǵarydan tómen qarata sermep urǵanyn baıqadym. Bіraq qolynda pyshaqtyń bolǵan, ıa bolmaǵanyn baıqamadym. Ol jіgіt jerde qımylsyz jatty. Men sodan shoshyp kettіm, – dedі Elmıra Nurbekova.