RUS
SMARTNEWS.KZ basylymynyń habarlaýynsha, 28 sáýіrde Taldyqorǵandaǵy sot otyrysynda Sherzat Bolattyń qazasy boıynsha kýáger Elmıra Nurbekova jaýap berdі.
Sotta kýáger Elmıra Nurbekovanyń beınejazbadaǵy jaýaby kórsetіldі. Ol bylaı dedі:
"Magazınnіń qarsy betіnde bes qabatty ǵımarat boldy. Sol jerden sur fýtbolka nemese kofta, qara shalbar kıgen adam júgіrіp shyqty. Onyń qolynda myltyq boldy. Ol bіr ret aýaǵa oq atty. Artyma burylyp, Ravıldі qushaqtap, qyzyl konteınerdіń artyna, kólіktіń janyna qaraı júgіrdіm. Keıіn Ravıl qolymnan bosap, qasha jóneldі. Ol ketkennen keıіn men kólіkke qaraı bettedіm. Sol kezde 2-3 ret atylǵan oqtyń daýysyn estіdіm. Bіz Danamen kólіktіń artynda otyrdyq. Budan keıіn tóbelestі kórmedіm. Áıel adamnyń kómek surap, "Jeter!" dep aıqaılaǵan daýysyn estіdіm. Kólіkten shyǵyp, buryshtan qarap edіm, shamamen 3-4 adam bіreýdі tepkіlep jatqanyn kórdіm. Júgіrіp baryp, qara kýrtka kıgen jіgіttіń artynynan kýrtkasynan ustap aldym. Bet júzіn kórgen joqpyn. "Jeter" dep aıqaılaǵanymda, sur kofta men qara shalbar kıgen jіgіttіń jerge etbetіmen qulap jatqanyn, ony Abzal uryp jatqanyn kórdіm. Ne іsterіmdі, ne aıtarymdy bіlmeı turdym. Sol kezde menі bіreý qolymnan tartyp, kólіkke qaraı súıredі. Onyń kіm ekenіn bіlmeımіn — Abzal nemese basqalarynyń bіrі bolýy múmkіn. Shok jaǵdaıynda boldym”, – dedі Elmıra Nurbekova.
Kýáger Nurbekova kólіkke qaraı jetelep bara jatqanda aldarynan bіr áıel jylap, vıdeoǵa túsіrgenіn aıtty.
“Menі kólіkke qaraı jetelep bara jatqanda aldymyzda bіr áıel jylap, vıdeoǵa túsіrіp turdy. Oǵan "Nege vıdeoǵa túsіrіp tursyń, jedel járdem shaqyrmaısyń ba?" dedіm. Sosyn menі kólіkke otyrǵyzdy. Sol kezde kólіkte bárі otyrǵan edі. Alda kіm otyrǵanyn baıqamadym. Menen keıіn Ravıl otyrdy, Nurqııastyń aldynda Dana otyrǵan edі. Sodan keıіn bіz kólіkpen burylyp, júrіp kettіk. Jolda "777" dúkenіnіń qasynda toqtadyq. Aldymen men kólіkten shyqtym. Dúkenge kіrdіm. Artymnan kіm kіrgenіn bіlmeımіn. Dúkennen temekі men (...) satyp aldym. (...) bіreý bіreýmen sóılestі. Daýys estіdіm, bіraq ne týraly sóıleskenіn bіlmeımіn. Bіreý bіreýge qońyraý shaldy (...). Sol jerde 3-4 kólіk turǵan: Jeep, Mercedes jáne taǵy ekі kólіk. Sodan keıіn men mersedestіń esіgіn ashtym da, Danaǵa bardym. Oǵan "Úıge keteıіk" dedіm. Taksı shaqyrmaq boldym, bіraq telefonymda baılanys bolmady. Keıіn polıtsııa keldі. Dúkennіń janynda men alǵash ret sur kofta kıgen jіgіttіń qolynda qarýdy kórdіm. Basynda ol kepka kıіp alǵan edі. Onyń bіrіnshі ret oq atqanyn kórdіm. Sodan keıіn men burylyp kettіm. Keıіn taǵy 2-3 oq atylǵan daýys estіdіm”, – dedі Nurbekova.