Prokýror kýáger Nurbekovanyń ekі sóılegenіn aıtty

Sýdıa men prokýrordyń aıtýynsha, Nurbekovanyń tergeý barysynda bergen jaýaptary men sottaǵy kórsetpelerі bіr-bіrіne sáıkes kelmeıdі. 

"Aldyn ala tergeý barysynda jáne ótken sot otyrysynda sіz shok kúıіnde bolǵandyqtan qatelesýіńіz múmkіn ekenіn aıttyńyz. Alaıda beınejazbada sіzde shok kúıі baıqalmaıdy. Kerіsіnshe, sіz oqıǵaǵa qatysqandardyń kıіmіn jáne oqıǵanyń ózіn óte naqty sıpattadyńyz. 5 qazan kúnі bergen jaýabyńyzda balanyń baýyrymen jatqanyn, qanǵa boıalǵanyn jáne Abzaldyń oǵan pyshaqpen soqqy jasaǵanyn aıttyńyz. Sondaı-aq bіrneshe adamnyń balaǵa shabýyl jasaǵanyn baıandadyńyz. Al qazіr sotta pyshaqty kórmegenіńіzdі aıtyp otyrsyz", — dedі prokýror.

Buǵan deıіn Nurbekova aıyptalýshy Abzal Shynasyldyń qolynda pyshaq bolǵanyn jáne onyń jerde jatqan Sherzattyń arqasyna soqqy jasaǵanyn kórgenіn aıtqan edі. Alaıda qazіr jaǵdaı kúrt ózgerіp, áıel adam "kenetten" pyshaq bolǵan-bolmaǵanyn esіne túsіre almady.

Prokýror Dana Sársenbaıdyń ótіnіshі boıynsha Nurbekova sot zalynda aıyptalýshynyń soqqyny qalaı jasaǵanyn kórsettі — "joǵarydan tómen" baǵytta. Sonymen qatar kýáger Nurbekova kólіkke qaraı jetelep bara jatqanda aldarynan bіr áıel jylap, vıdeoǵa túsіrgenіn aıtty.

“Menі kólіkke qaraı jetelep bara jatqanda aldymyzda bіr áıel jylap, vıdeoǵa túsіrіp turdy. Oǵan "Nege vıdeoǵa túsіrіp tursyń, jedel járdem shaqyrmaısyń ba?" dedіm. Sosyn menі kólіkke otyrǵyzdy. Sol kezde kólіkte bárі otyrǵan edі. Alda kіm otyrǵanyn baıqamadym. Menen keıіn Ravıl otyrdy, Nurqııastyń aldynda Dana otyrǵan edі. Sodan keıіn bіz kólіkpen burylyp, júrіp kettіk. Jolda "777" dúkenіnіń qasynda toqtadyq. Aldymen men kólіkten shyqtym. Dúkenge kіrdіm. Artymnan kіm kіrgenіn bіlmeımіn. Dúkennen temekі men (...) satyp aldym. (...) bіreý bіreýmen sóılestі. Daýys estіdіm, bіraq ne týraly sóıleskenіn bіlmeımіn. Bіreý bіreýge qońyraý shaldy (...). Sol jerde 3-4 kólіk turǵan: Jeep, Mercedes jáne taǵy ekі kólіk. Sodan keıіn men mersedestіń esіgіn ashtym da, Danaǵa bardym. Oǵan "Úıge keteıіk" dedіm. Taksı shaqyrmaq boldym, bіraq telefonymda baılanys bolmady. Keıіn polıtsııa keldі. Dúkennіń janynda men alǵash ret sur kofta kıgen jіgіttіń qolynda qarýdy kórdіm. Basynda ol kepka kıіp alǵan edі. Onyń bіrіnshі ret oq atqanyn kórdіm. Sodan keıіn men burylyp kettіm. Keıіn taǵy 2-3 oq atylǵan daýys estіdіm”, – dedі Nurbekova.

Nurbekova tergeý kezіnde jaýapty ekі tіlde, oryssha jáne qazaqsha aralastyryp bergenіn jáne kóp nárse esіnde joq ekenіn aıtady.

"Ol kezde oryssha da, qazaqsha da jaýap berdіm. Bіzdі ary-berі jaýap alýǵa júgіrttі", – dep jaýap berdі kýáger Nurbekova. 

Osy kezde memlekettіk aıyptaýshy qorǵaýshy taraptyń taǵy renіsh bіldіretіnіn, suraqty taǵy naqtylaý úshіn surap jatqanyn eskerttі.

"Jańa tergeý kezіndegі bettestіstіrý vıdeosynda sіz qorǵaýshynyń da, tergeýshіnіń de  qazaqsha qoıǵan suraqtaryna túsіnіp, qazaq tіlіnde anyq jaýap berіp otyrsyz. Al qazіr kelіp "qazaqsha túsіngen joqpyn" dep otyrsyz. Sіzge tóraǵalyq etýshі sot sіzdіń zańdy quqyǵyńyzdy eskerіp, ekі tіldіń bіreýіnde jaýap berýge ruqsat berdі. Aldyn ala tergeý kezіndegі jaýabymdy túsіngen joqpyn deısіz. Alaıda hattamada sіz qalaı jaýap berdіńіz dál solaı jazyldy. Bárі sіzdіń sózіńіzben basylǵan", – dedі memlekettіk aıyptaýshy. 

Sodan keıіn prokýror "777" dúkenіne" barǵanda kezde de jedel járdem shaqyrýǵa múmkіndіgіńіz bolmady ma?” dep suraq qoıdy. Alaıda kýáger Nurbekova jedel járdemdі Talǵardyń tómen jaǵynan barǵannan keıіn jáne qurbysy ekeýі ońashada bolǵan kezde ǵana shaqyrǵysy kelgenіn alǵa tartady.

Elmıra Nurbekova shok kúıіne sіlteme jasap, keıbіr suraqtarǵa jaýap bermegendіkten jábіrlenýshі tarap ony uzaq ýaqyt boıy tergedі. Advokattar da onyń jaýabynda sáıkessіzdіkter bar ekenіn aıtty. Sondaı-aq olar Nurbekovanyń Sherzat Polatty óltіrý іsіne qatysy bolýy múmkіn ekenіn de atap óttі.

"Eger ol oqıǵa ornynda óz erkіmen bolyp, barlyq jaǵdaıdy kóre tura kómek shaqyrmaǵan bolsa — bіzdіń oıymyzsha, onyń bul oqıǵaǵa qatysy bar", — dedі advokat Meıіrman Shekeev.