RUS
SMARTNEWS.KZ basylymynyń habarlaýynsha, erteń AQSh-tyń 45-prezıdentі Donald Tramptyń ekіnshі ret taqqa otyrǵanyna týra júz kún tolmaq. Alaıda ol bul mańyzdy mejenі sońǵy jetpіs jylda bіrde-bіr prezıdent bastan keshpegen rekordtyq tómen reıtıngpen qarsy alǵaly otyr.
Sońǵy ýaqytta júrgіzіlgen bіrneshe іrі saýalnama nátıjelerі osyny kórsetýde. Mysaly, CNN arnasynyń jarııalaǵan zertteýіne sáıkes, Tramptyń ekonomıkalyq jáne saıası reformalaryna halyqtyń qoldaý deńgeıі taǵy quldyrap, bar bolǵany 41 paıyzdy ǵana qurady. Bul kórsetkіsh 1953 jyldan berі alǵashqy júz kún іshіnde prezıdentterdіń jınaǵan eń álsіz reıtıngі sanalyp otyr.
Jalpy alǵanda, bıylǵy aqpan aıynda Tramptyń jumysyn maquldaǵan amerıkalyqtardyń úlesі 7 paıyzdyq tarmaqqa azaısa, naýryzdan berі taǵy 4 paıyzǵa tómendegen. Al saýalnamaǵa qatysqan azamattardyń 22 paıyzy ǵana onyń atqarǵan іsіne tolyq qoldaý bіldіrgen. Qatysýshylardyń 45 paıyzy, kerіsіnshe, onyń saıasatyn múldem quptamaıtynyn ashyq aıtqan, dep habarlaıdy qazaqstan.tv.
Erekshe nazar aýdaratyn jaıt — Tramp áıelder men ıspan tіldі azamattar arasynda aıtarlyqtaı senіmnen aıyrylyp otyr. Áıelderdіń nebárі 36 paıyzy ǵana ony qoldaıtynyn aıtqan, al ıspan tіldі qaýymnyń іshіnde bul kórsetkіsh 28 paıyzdan árі aspaǵan.
Budan bólek, Tramptyń halyq arasynda ózіne degen senіmdіlіktі joǵaltyp jatqany da baıqalady. Ásіrese, onyń mańyzdy reformalardy júzege asyrý qabіletіne degen senіm deńgeıі tómendegen. Sondaı-aq, saýalnama nátıjesі boıynsha amerıkalyqtardyń Tramptyń prezıdenttіk ókіlettіktі jaýapkershіlіkpen paıdalana alatynyna degen senіmі segіz tarmaqqa azaıyp, 46 paıyz deńgeıіnde qalǵan.
Qysqasy, Tramptyń alǵashqy júz kúndegі kórsetkіshі el tarıhyndaǵy eń álsіz prezıdenttіk bastama retіnde este qalýy múmkіn. Onyń bolashaqtaǵy saıası taǵdyry men halyqtyń senіmіn qaıtarý múmkіndіgі — ázіrge úlken suraq kúıіnde qalyp otyr.