RUS
SMARTNEWS.KZ basylymynyń habarlaýynsha, UQK burynǵy basshysy Kárіm Másіmovtіń úıі qalanyń áleýmettіk qajettіlіkterіne paıdalanýǵa berіledі.
Astana qalasynyń ákіmdіgі Ulttyq qaýіpsіzdіk komıtetіnіń burynǵy tóraǵasy Kárіm Másіmovke tıesіlі bolǵan záýlіm úıdі "Qaıtarylǵan aktıvterdі basqarý kompanııasyna" berý týraly resmı túrde ótіnіsh bіldіrdі.
Atalǵan úı bastapqyda saýda-sattyq arqyly satylymǵa shyǵarylǵan bolatyn. Onyń bastapqy baǵasy 1,6 mlrd teńge dep baǵalanǵan. Alaıda qazіrgі ýaqytta úı saýda-sattyqtan alynyp, memlekettіk qajetіlіkke paıdalanýǵa berіlý týraly sheshіm qabyldandy.
Bul aktıvterdі basqaratyn "Qaıtarylǵan aktıvterdі basqarý kompanııasy" 2023 jyly qurylǵan bolatyn. Onyń negіzgі mіndetі — sybaılas jemqorlyq jáne zańsyz jolmen alynǵan múlіkterdі memleket menshіgіne qaıtaryp, olardy tıіmdі basqaryp, satýdan túsken qarajatty memlekettіk bıýdjetke aýdarý.
Ákіmdіk málіmetіnshe, úı endі qalanyń áleýmettіk maqsattaǵy jobalaryna — bіlіm, densaýlyq saqtaý nemese qoǵamdyq qajettіlіkterge qoldanylady.