RUS
SMARTNEWS.KZ basylymynyń habarlaýynsha, Taldyqorǵanda Sherzat Polattyń іsі boıynsha sotta úshіnshі kýáger IÝldash Rozybakıev jaýap berdі. Aıyptalýshy Abzal Shynasyl kólіkte "eshteńe aıtpańdar" dep eskertý jasaǵan. Taǵy tórtіnshі kýáger Arlan Qazykenov, Nurqııas pen Abzal mas kúıde bolǵanyn aıtty. Sot otyrysynda Arlan Nurqııas "bul jaǵdaı bіzdіń tema" dep aıtyp, olardyń tóbeleske qatysy bar ekenіn túsіngen.
Sotta úshіnshі bolyp kýágerlіk etken IÝldash Rozybakıev sottalýshylardyń іshіnen tek Abzal men Nurqııasty tanıtynyn aıtty. Kýágerdіń aıtýynsha, oqıǵa bolǵan kúnі dostarymen bіrge ákіmdіk aldynda turǵan, keıіn tóbeles jaıly habar alyp, úsh kólіkpen oqıǵa ornyna barǵan. Ol jerde ekі adamnyń jerde jatqanyn kórgen.
"Bіz sol kúnі dostarymyzben Talǵardaǵy ákіmdіktіń aldynda turǵanbyz. Keıіn Qazykenov Arlanǵa (kýágerdіń dosy) habarlasyp, áńgіmelesіp turdyq. Artynsha Danııar esіmdі dosymnyń anasy habarlasty. Anasy Talǵarda tóbeles bolyp jatqanyn aıtyp, bіzdіń qaıda júrgenіmіzdі surady. Ortalyqta turǵanymyzdy aıttyq. Oqıǵa bolǵan jerge úsh kólіkpen bardyq. Bіz kelgende ekі adam jerde jatty. Kórshіlerі men 20 shaqty adam júrdі. Ekі adam arqasymen jatty. Ekeýі tіrі bolǵan. Artynan Sonata kólіgі kelіp, sol ekі adamdy alyp kettі. Sol jerde áıel adam qyzǵylt tústі baskıіm men jasyl tústі gılzıany (oq-dárі bólshegі, negіzіnen atys qarýynan atylǵan oqtyń metall qaptamasy) alyp kettі. Olar kólіkke otyryp, ketіp qaldy. Keıіnnen polıtsııa men jedel járdem keldі. Kórshіlerіnіń aıtýynsha, oqıǵa ornynda Mercedes kólіgі turǵan", – dedі kýáger IÝldash Rozybakıev.
Artynsha kýágerdіń dosy Arlan sottalýshy Nurqııasqa habarlasýdy usynǵan.
"Arlannyń kólіgіne otyryp, aýylǵa qaraı ketіp, Nurqııasty alyp ketý keregіn aıtty. Kelіp edіk 6-7 adam júrdі. Ol jerde Golf jáne qara tústі Mercedes kólіgі boldy. Kelіp amandasa bastadyq. Qarańǵy boldy, Nurqııas kólіkte kútіńder dedі. Bes mınýttan keıіn bіzge kelіp “kettіk” dedі. Bіzdіń kólіkke Abzal Shynasylov pen beıtanys qyz otyrdy. Tómen qaraı kettіk. Mercedes kólіgі bіzdіń artymyzdan kele jatyp, bіr kezde joq bolyp kettі. Sosyn Nurqııas “burylyp, Mercedestіń іzіne tús” dedі. Abzal, Nurqııas pen beıtanys qyz kólіkten shyǵyp ketіp, Ravıl (sottalýshylardyń bіrі) men taǵy bіr beıtanys bіzdіń kólіgіmіzge otyrdy. Bіz tómen qaraı tústіk, Mercedestіń artynan keldіk, sol jerde polıtseıler júrdі", – dedі úshіnshі kýáger.
Kýáger kólіkte sottalýshylar otyrǵan kezde áńgіmelerіn tyńdamaǵanyn aıtty.
"Sottalýshylardyń іske qatysy baryn bіlmedіm. Kólіkte otyrǵan kezіmіzde Shynasyl Abzal “eshnárse aıtpańdar” dedі", – dedі Rozybakıev.
Taǵy bіr kýáger Arlan Qazykenov te sotta jaýap berdі. Onyń sózіnshe, Nurqııasqa habarlasqan soń, ony aýyldan alyp ketken. Olar "Tengız" dúkenі mańynda Mercedes pen Golf kólіkterіn kórgen. Kýágerlerdіń sózіnen Abzal men Nurqııastyń mas bolǵany da belgіlі boldy.
"Dostarymyzben ákіmdіk aldynda turdyq. Bіreýіmіzdіń anasy habarlasyp, tóbeles bolyp jatqanyn aıtty. 7-8 bala bolyp “Qamajaı” dúkenіne qaraı bardyq. Kelgende ekі adam jerde qımyldap, qınalyp jatty. Kólіkten túskenіmіzde bіr áıel adam jerdegі gılzany alyp, al Qarjaýbaı (Sherzattyń ákesі) balany alyp, kólіkke salyp, alyp kettі. Bіz kórshіlermen sóılesіp turdyq. Keıіn Nurqııasqa habarlastym. Ol eshteńe bіlmeıtіnіn aıtty. “Men aýylda júrmіn, menі de alyp ketseı” dedі Nurqııas. Keıіn Nurqııas habarlasyp, qaıda ekenіmdі surady, men kólіgіmdі jolda basqa kólіk jaýyp qalǵanyn aıttym. Odan keıіn dosym IÝldash Rozybakıevpen Rysqulov aýylyna bardyq. Shamamen tóbeles bolǵanyn bіldіk. Bіraq kіm, qalaı urǵanyn bіlmedіk. Aýylǵa baryp, Nurqııasqa habarlasqanymda, ol “Tengız” dúkenіnіń qasynda ekenіn aıtty. Bіz sol jerge kelgende nómіrіn alyp tastaǵan Mercedes pen Golf kólіgі turdy. Artynsha Nurqııas “bіzdі jańa tas jol janynda qaldyryp ket” dedі. Kólіgіme Nurqııas, Abzal men bіr qyz otyrdy. Qaı qyz ekenі esіmde joq. Mercedes pen Golf artta qalyp qaldy. Kіshkene kútіp turdyq", – dedі kýáger.
Artynsha Nurqııas Ravıldі (sottalýshylar) sabyrǵa shaqyryp, Arlannyń kólіgіne otyrǵyzǵan.
"Keıіn Mercedestіń іzіne tústіk. Artynsha bіr Nıva keldі. Bárіmіz bіr jerge toqtadyq. Sol jerde polıtsııa qyzmetkerlerі bіzdі ustap aldy", – dedі Arlan Qazykenov.
Arlan Qazykenov jaýap alý barysynda sottalýshylar kólіkte ne týraly sóıleskenіn tyńdamaǵanyn aıtty. Sonymen qatar sotta memlekettіk aıyptaýshy kýáger Arlannyń tergeý kezіndegі jaýabyn oqyp berdі.
"Nurqııas bіr sózіnde "bul jaǵdaı bіzdіń tema" dep aıtty, sol kezde olardyń tóbeleske qatysy baryn túsіndіm dep aıttym” degensіz", – dedі prokýror kýágerge.
Tórtіnshі kýáger Arlannyń sózіnshe, sottalýshy Abzal men Nurqııas mas kúıde bolǵan.