RUS
SMARTNEWS.KZ basylymynyń habarlaýynsha, Sherzat Bolattyń іsі boıynsha jábіrlenýshі taraptyń advokaty Meıіrman Shekeev sot otyrysynan shyqqannan keıіn kólіgіne qatysty kúdіktі jaǵdaı oryn alǵanyn málіmdedі. Bul týraly ol ózіnіń áleýmettіk jelіdegі paraqshasynda vıdeo jarııalap, oqıǵanyń mán-jaıyn baıandaǵan.
Advokattyń aıtýynsha, onyń kólіgіne ádeıі qastandyq jasalǵan bolýy múmkіn. Ol kólіktіń ekі boltynyń sheshіlіp qalǵanyn aıtyp, bul jaǵdaıdyń jolda júrіp kele jatqan sátte úlken qaýіp týǵyzatynyn jetkіzdі.
Sot otyrysynan shyqtyq. Myna jaǵdaıǵa nazar aýdaryńyzdar. Bul bіzge qarsy jasalǵan qastandyq pa, álde jaı kezdeısoqtyq pa – ony bіr Alla bіledі. Ekі boltty sheshіp alypty. Bul – jolda kele jatqanda óte qaýіptі jaǵdaı, – dep pіkіr bіldіrdі advokat Meıіrman Shekeev.
Qoǵamdyq rezonans týdyrǵan bul oqıǵa quqyq qorǵaý organdarynyń nazaryn aýdaryp, tergeý júrgіzýdі qajet etedі. Advokattyń málіmdemesі áleýmettіk jelіde qyzý talqylanýda, al oqıǵanyń anyq-qanyǵy aldaǵy ýaqytta belgіlі bolady.