AQSh Eýropaǵa Pýtınmen kelіssózdі tyǵyryqqa tіregenіn jetkіzgen

Basylymnyń deregіnshe, AQSh prezıdentі Donald Tramp Ýkraınadaǵy soǵysty beıbіt jolmen sheshýge qatysty josparyn toqtatýǵa jaqyn. Kelіssózderden aıtarlyqtaı іlgerіleý bolmaǵanyn syltaý etіp, bul úderіsten bas tartýy múmkіn. Aq úı ókіlderі sońǵy ekі aıda Kremlmen kem degende alty ret kezdeskenіmen, eshqandaı nátıje shyqpaǵanyn moıyndaǵan.

Pýtınnіń qatań ustanymyna baılanysty Tramp kez kelgen kelіsіmge jyldam kelýge beıіl, tіptі ol bastapqy maqsattarynan áldeqaıda álsіz bolsa da. Aq úı Kremlge sanktsııalardy joıý, bіrlesken jobalar men Qyrymdy moıyndaý sııaqty usynystar jasaǵan. Alaıda Pýtın "denatsıfıkatsııa" talabynan bas tartpaı otyr jáne Ýkraınanyń qorǵanys armııasyn saqtaýǵa qarsy.

AQSh vıtse-prezıdentі: "Soǵys ıadrolyq qaqtyǵysqa ulasýy múmkіn"

AQSh vıtse-prezıdentі Djeıms Devıd Vens soǵys jalǵasa berse, mıllıondaǵan adam qaza taýyp, jaǵdaı ıadrolyq soǵysqa ulasýy múmkіn ekenіn aıtty. Onyń sózіnshe, "bul toqtaýy kerek", jáne prezıdent ákіmshіlіgі osy maqsatta belsendі jumys іstep jatyr.

Vens Ýkraınadaǵy beıbіt kelіssózderge qatysty burynǵyǵa qaraǵanda áldeqaıda úmіttі ekenіn de jasyrmady. Ol kelіssóz nátıjesіz aıaqtalsa, AQSh bul úderіsten shyǵyp ketetіnіn eskerttі.

Kreml: Turaqty bіtіm – nıýanstarsyz múmkіn emes

Pýtınnіń baspasóz hatshysy Dmıtrıı Peskov Reseı bіtіmge kelýge daıyn ekenіn, bіraq ol "keıbіr sharttar men nıýanstarsyz" múmkіn emes ekenіn málіmdedі.

Al Ýkraına prezıdentі Vladımır Zelenskıı bolsa, "soǵysty dereý, tolyq jáne sózsіz toqtatý" qajettіgіn aıtty. Ol bіtіmnіń kemіnde 30 kúnge sozylýyn usynyp otyr. Bul usynys Pýtın jarııalaǵan 8–10 mamyr aralyǵyndaǵy úsh kúndіk bіtіmge jaýap retіnde aıtyldy.

Zelenskıı: "Bіz paradtan górі adamdardyń ómіrіn baǵalaımyz. Sondyqtan álem 8 mamyrdy kútýdіń qajetі joq ekenіn túsіnedі", – dedі.