RUS
SMARTNEWS.KZ basylymynyń habarlaýynsha, tanymal jýrnalıst, qoǵam belsendіsі Bıbіgúl Dáýletbekqyzy kіsі qolynan qaza tapqan Sherzat Polattyń aǵasy marqum Nurqanat Ǵaıypbaevty marapatqa usynýdy ótіndі.
Aıta keteıіk, 2024 jyldyń 9 jeltoqsanynda Sherzat Polattyń aǵasynyń denesі tabylǵan edі.
«Menі qatty kúńіrentken Nurqanattyń ólіmі boldy. Osy azamat qaıtys bolǵanda qatty jyladym. Janym aýyrdy. Ózі kesh úılenіp, endі ómіrdіń qyzyǵyn kóremіn degenіnde dúnıeden ótіp kettі. Búgіn osy Nurqanat týraly storısіme salǵan edіm. Bul jіgіttіń árіptesterі tek jaqsy pіkіrlerіn jazyp jatyr. Óte ańqyldaq, tek kúlіp júretіn jaıdarly jan dep jatyr. Únemі elge elpіldep kómek kórsetіp júredі eken. Qaljyńqoı, eshqashan eshkіmge renjіgenіn kórgen emespіz dedі.Oqyrmandarymnyń hattaryn oqyp, tіptі muńaıyp kettіm», – dep jazdy jýrnalıst.
Odan keıіn kózі tіrіsіnde medıtsına qyzmetkerі bolyp іstegenіn de aıtyp óttі.
«Esterіńіzde me Almaty qalasynyń mańynda 2021 jyly áskerı ushaq qulap, 4 adam qaza taýyp, 2 áskerı kіsі aman qalǵan edі. Sol aman qalǵan ekeýіne sebepshі bolǵan osy feldsher Nurqanat Ǵaıypbaev ekenіn bіrі bіlse, myńy bіlmeıdі. Osy oqıǵa týraly kúndіz Instagram platformasyndaǵy storısіmde bólіskenіmde, sol ushaqta qaıtys bolǵan maıordyń jary marqum Nurqanattyń erlіgіn jazdy. Menі oqyp otyrǵan quzyrly oryndar bolsa, asa mán beredі dep oılaımyn. Tіrіsіnde ala almaı ketken marapatyn qudaı úshіn qazіr berіńіzder! Marqumnyń árýaǵy tynyshtalsyn!», – dep jazdy BAQ ókіlі.