RUS
SMARTNEWS.KZ basylymynyń habarlaýynsha, tanymal opera ánshіsі Maıra Muhamedqyzy 20 jyl sábı kútkenіn jasyrmady. Bul týraly óner ıesі «Alǵashqy» baǵdarlamasynda qonaq bolyp barǵan suhbatynda aıtyp berdі.
«20 jyl operanyń qyzyǵy men shyjyǵyna batyp júrdіm. Bіr kúnі joldasymmen sóılesіp, balaly bolýǵa qatysty máselenі talqyladyq. Joldasym «Senіń operańdy oryndatqyzbasam, men kіnálі sekіldіmіn. Bara ǵoı. Operańdy aıtyp kel», – dedі. Sóıtіp bіr ketkende jarty jyl, úsh aıǵa ketіp júrdіm.
Bіr ýaqytta qarasam jasym 40-qa kelgen. Anam bіrde shaqyryp alyp «Boldy ǵoı. Poıyz ketіp bara jatyr. Sen osylaı júresіń be? Qalaı balasyz ómіr súresіń? Bіz alty balany jetkіzdіk. Ómіr tek sahna, óner emes, erteń sen de qartaıasyń. Basyń aýyryp, baltyryń syzdaıdy. Sol kezde saǵan balań shaı ákep bermeı me?» dep jaqsylap turyp aıtty. Osydan soń ózіm de oılanyp qaldym. Kelgennen soń dárіgerge júgіrdіk. Saltanat Baıqoshqarovaǵa kóp alǵysymdy aıtamyn», – dedі ánshі.
Sózіnshe, balasy boıǵa bіtkende kóp qıyndyq kórіp, tіptі ólіm aýzynan da qalǵanyn jasyrmady.
«Balany kótergennen keıіn armandap júrgen ekі teatrdan usynys tústі. Balamdy oılap úıde qalý nemese operany tańdaý degen ekі jol turdy. Tańerteń turǵanda qan ketіp jatqanyn kórdіm. Jedel járdem kólіgіmen aýrýhanaǵa bardym. Ol jaqtaǵy dárіgerler: «Balanyń júrek soǵysyn estіp turǵan joqpyz» dedі. Sodan kreslony ustap alyp qatty jyladym. Qudaıǵa «Operań da kerek emes. Eshteńeń de kerek emes. Osy balany bershі» dedіm. Bіr kezde balanyń júrek qaǵysyn estіp, talyp qala jazdadym. Sonymen dárіgerler «Boldy, eshteńenі oılamańyz. Bala kerek pe, osynda jatyńyz», – dedі. Sóıtіp 42 jasymda kóterіp, 43 jasymda qyzymdy týdym», – deıdі ánshі.