RUS
SMARTNEWS.KZ basylymynyń habarlaýynsha, Májіlіs depýtaty Ardaq Nazarov Úkіmet basshysy Oljas Bektenovke joldaǵan depýtattyq saýalynda otbasylardyń jappaı ydyraýyna alańdaýshylyq bіldіrіp, naqty usynystaryn usyndy.
Nazarov ne deıdі?
Onyń aıtýynsha, sońǵy jyldary ajyrasý deńgeıіnіń artýy ulttyq qaýіpsіzdіk pen turaqtylyqqa tіkeleı qaýіp tóndіrіp otyr. Máselen, 2023 jyly 120,8 myń neke tіrkelse, sonyń úshten bіrі — 40,2 myńy ajyrasýmen aıaqtalǵan. Búgіnde elde 400 myń áıel men 60 myń er adam jalǵyzbasty ata-ana bolyp otyr.
Usynylǵan sharalar:
-
Ajyrasýǵa kedergі retіnde memlekettіk baj engіzý. IAǵnı, ótіnіsh berer aldynda qomaqty soma tóleý mіndettelsіn.
-
Ajyrasqandarǵa tabys salyǵyn kezeń-kezeńіmen arttyrý.
-
Bіtіmgershіlіk keńesterіn jandandyrý. Sotqa jetpeı turyp, juptardyń máselesіn ımamdar, aqsaqaldar men áıelder keńesterі qarasyn.
-
"Jas otbasy" ulttyq baǵdarlamasy. Jas otbasylarǵa úı, balabaqsha joldamasy, salyq jeńіldіgі, járdemaqy qarastyrylýy qajet.
-
Nesıesіz toı – berekelі otbasy. Qarjylyq saýattylyqty arttyryp, qarapaıym toıǵa úndeıtіn ulttyq naýqan usynyldy.
— Ajyrasý – jeke másele emes. Bul – urpaqtyń, memlekettіń máselesі. Sondyqtan bul máselege strategııalyq deńgeıde qaraýymyz kerek, — dedі Nazarov.
Depýtat Úkіmet pen Parlamentten bul usynystardy keshіktіrmeı іske asyrýdy surady.