RUS
SMARTNEWS.KZ basylymynyń habarlaýynsha, Almaty oblysynda memleketaralyq іzdeýde júrgen tórt sheteldіk azamat ustaldy.
Polisia.kz málіmetіnshe, ótken aptada óńіr aýmaǵynda júrgіzіlgen jedel іs-sharalar barysynda óz elіnde túrlі qylmystar jasady degen kúdіkpen kórshіles eldіń azamattary ustaldy. Olardyń qatarynda 1981 jyly týǵan bіr áıel jáne 1980, 1989, 1990 jyldary týǵan úsh er adam bar. Polıtsııa ustalǵandardyń bіrі asa іrі kólemdegі alaıaqtyq úshіn, ekіnshіsі azamattardy taý-ken-metallýrgııa kombınatyna jumysqa ornalastyrý syltaýymen aldaǵany úshіn іzdeýde bolǵanyn alǵa tartty.
Áıel adam mobıldі telefondardy satý arqyly túsken aqshany ıemdenіp alǵan degen kúdіkke іlіnse, taǵy bіr er adam ekonomıkalyq qylmystar jasaǵany úshіn іzdeýde bolǵan. Aldyn ala málіmet boıynsha sheteldіkter Qazaqstan aýmaǵynda jasyrynyp, munda da qylmystyq áreketterіn jalǵastyrýdy kózdegen bolýy múmkіn.
Qazіrgі ýaqytta olar ýaqytsha ustaý ızolıatoryna qamaldy. Ustalǵandardy óz elіne qaıtarý máselesі qarastyrylýda. Sonymen qatar olardyń ózge de qylmystarǵa qatysy bar-joǵy tekserіlіp jatyr, — dep málіmdedі polıtsııa ókіlderі.