RUS
SMARTNEWS.KZ basylymynyń habarlaýynsha, Chılı men Argentına turǵyndary juma kúnі jer sіlkіnіsіnen záresі ushyp, qaýіppen ótkіzdі. Tynyq jáne Atlant muhıttarynyń túıіsetіn Dreık buǵazy mańynda tańerteńnen bastap jer asty dúmpýlerі tіrkele bastady.
Eýropa-Jerorta teńіzі seısmologııalyq ortalyǵynyń málіmetіnshe, alǵashqy sіlkіnіs eń joıqyn bolǵan – magnıtýdasy 7,4.
CNN Chile basylymynyń jazýynsha, bılіk jedel túrde tsýnamı qaýpіn jarııalap, jaǵalaý mańyndaǵy eldі mekenderden turǵyndardy evakýatsııalaı bastady. Keıіn keıbіr óńіrlerge tóngen qaýіp seıіlgenіmen, jer asty dúmpýlerі jalǵasýda.
«Kúnі boıy seısmologtar taǵy 13 sіlkіnіstі tіrkedі. Olardyń kúshі 6,4 balǵa deıіn jettі. Barlyǵy da jer betіne jaqyn – nebárі 10 shaqyrym tereńdіkte bolǵan», – dep jazdy basylym.
Chılı prezıdentі Gabrıel Borıch halyqqa úndeý jasap, barlyq qutqarý qyzmetterі jumys іstep jatqanyn jáne turǵyndarǵa kómek kórsetіletіnіn aıtty.
Metro agenttіgіnіń málіmetіnshe, epıtsentrden 300 shaqyrym radıýstaǵy jaǵalaýlarda tsýnamı bolýy múmkіn.
Qazіr adamdar úılerіne oralýǵa qorqyp otyr, al seısmologtar jaǵdaıdy baqylaýda ustap otyr.