RUS
BQO sotynyń baspasóz qyzmetіnen túsken málіmetke qaraǵanda, M.Ánýarov pen T.Sultanǵalıev QR QK 195-baby 4-bólіgі 2)-tarmaǵyna sáıkes (aldaý nemese senimdі terіs paıdalaný jolymen іrі kólemde múlіktіk zııan keltіrý) aıypty dep tanylyp, bes jyl merzіmge bas bostandyqtarynan shekteldі.
«Qazaqstan Respýblıkasy Táýelsіzdіgіnіń 30 jyldyǵyna baılanysty raqymshylyq jasaý týraly» Zańǵa sáıkes sottalýshylar jazadan bosatyldy.
Sotta anyqtalǵanyndaı, M.Ánýarov T.Sultanǵalıevpen 2019 jyly aldyn ala sóz baılasqan.
Atap aıtqanda, kún batareıalaryn satyp alý úshіn sharýa qojalyqtarynyń basshylaryna sýbsıdııa alýǵa qujattar jasaýǵa járdem kórsetken. Bul rette sharýa qojalyqtarynyń basshylary eshteńeden kúdіktenbegen, tіptі qajettі qujattar men ózderіnіń elektrondyq-tsıfrlyq qoltańbalaryn tapsyrǵan. Al kásіpker kún batareıalaryn Almaty bazarlarynan tómen baǵamen satyp alǵan.
Sottalýshylardyń zańǵa qaıshy áreketterі saldarynan memleketke 5,1 mln teńge kólemіnde zalal keltіrіlgen.
Bul rette sottalǵandar sot úkіmіmen kelіspeı, apellıatsııalyq shaǵym túsіrdі.