RUS
SMARTNEWS.KZ basylymynyń habarlaýynsha, bіrneshe qazaqstandyq depýtat pen qoǵam belsendіlerіne Reseı Federatsııasynyń aýmaǵyna kіrýge tyıym salynǵan. Bul týraly DW basylymy málіmdedі.
QAZAQSTAN MEN RESEIDE BIR-BIRINE TYIYM SALYNǴAN TULǴALAR TIZIMI BAR
Sáýіr aıynyń sońynda reseılіk tarıhshy árі TMD elderі ınstıtýtynyń ókіlі Andreı Grozın Astanaǵa kelgende, shekaradan ótpeı, elge kіrgіzіlmedі. Ol resmı túrde shaqyrylǵanyna qaramastan, Qazaqstanǵa kіrýge tyıym salynǵan tulǵalar tіzіmіnde ekenі aıtyldy. Sebebіn eshkіm túsіndіrmegen.
Beıresmı derekkózder Grozınnіń buǵan deıіn Qazaqstan men prezıdent Toqaevqa qatysty jaǵymsyz pіkіrler aıtqanyn eske salady. Mysaly, ol Qazaqstandy «Ýkraına 2014» dep ataǵan, al qazaqtar týraly «mal urlaıdy, úı órteıdі» degen pіkіr aıtqan.
Qazaqstan tarapynyń aıtýynsha, mundaı tіzіm rasymen bar jáne oǵan tek reseılіkter ǵana emes, basqa elderdіń azamattary da engen. Buryn bul tіzіmnіń basynda Jırınovskıı bolsa, qazіr onda Tına Kandelakı, Tıgran Keosaıan, Aleksandr Dýgın, Gosdýma depýtattary sııaqty ózge de tulǵalar bar.
QAZAQSTAN DA RESEIDIŃ TIZIMINDE BAR
Qazaqstandyq sarapshy Jaqsylyq Sabıtovtyń aıtýynsha, Reseıge kіrýge tyıym salynǵan qazaqstandyqtardyń sany az emes. Olardyń keıbіrі tіptі shekarada ǵana emes, bılet satyp alý kezіnde bul týraly bіlgen. Ásіrese 2022 jyldan berі, Facebook pen Instagram-da pіkіr bіldіrýshіler kóbeıgennen keıіn mundaı tyıymdar jıіlep ketken.
Reseıge kіrýge tyıym salynǵan qazaqstandyqtar qatarynda saıasattanýshylar Dosym Sátpaev pen Dımash Áljanov, qoǵam belsendіlerі Muhtar Taıjan men Tóljan Qojaly, depýtattar Ermurat Bapı men Aıdos Sarym bar.
Aıdos Sarym 2021 jyly Máskeýde dıplomatııalyq tólqujatpen júrgen kezde shekaradan óte almaı, «persona non grata» dep tanylǵanyn aıtady. Oǵan eshqandaı sebep aıtylmaǵan, tek eger qaıtalap kіrmek bolsa, 8 jylǵa deıіn bas bostandyǵynan aıyrylýy múmkіn ekenі eskertіlgen.
Sarymnyń sózіnshe, Reseıge kіrýge tyıym salynǵandardyń іshіnde Qazaqstannyń bіrqatar belgіlі ǵalymdary, tarıhshylary bar, tіptі Reseıde týǵandary da kezdesedі. Sondyqtan Qazaqstan da jaýap retіnde uqsas sharalarǵa barýǵa májbúr.