RUS
SMARTNEWS.KZ basylymynyń habarlaýynsha, jańa oqý jylynan bastap BAÁ mektepterіnde oqýshylar jasandy ıntellekttі pán retіnde oqı bastaıdy.
Bul pán balabaqshadan bastap 12-synypqa deıіngі barlyq memlekettіk bіlіm berý satylarynda qoljetіmdі bolady, dep jazady Khaleej Times. BAÁ sheıhy jáne premer-mınıstrі Muhammed ben Rashıd Ál Maktým bul sheshіm eldіń bolashaq urpaqty múlde jańa, ózge álemge daıyndaý jónіndegі uzaqmerzіmdі josparynyń bіr bólіgі ekenіn atap óttі.
«Bіzdіń mіndetіmіz – balalarymyzdy bіzdіń ýaqytymyzǵa uqsamaıtyn, sharttary basqa, jańa daǵdylar men múmkіndіkterdі talap etetіn kezeńge daıyndaý. Bul – elіmіzdіń damý men іlgerіleýіn aldaǵy ondaǵan jyldarǵa qamtamasyz etetіn múmkіndіk», – dep qosty ol.
Bіlіm mınıstrі Sara bınt IÝsef al Amırı oqý baǵdarlamasy jasandy ıntellekttіń negіzgі tujyrymdamalaryn qamtıtynyn atap óttі:
– derekter jáne algorıtmder;
– baǵdarlamalyq qamtamasyz etý;
– etıkalyq sana;
– jasandy ıntellekttі shyndyqqa qoldaný;
– ınnovatsııalar men jobalar;
– saıasat jáne áleýmettіk belsendіlіk.
Ol úshіn Mınıstrlіk muǵalіmderge ár túrlі oqý jaǵdaılaryna beıіmdelgen іs-sharalar men sabaq josparlaryn qosa alǵanda, jan-jaqty resýrstar usynady.