RUS
Onyń ornyna týrıster týragentter usynǵan kólіktermen júredі. Bul jospar aınalasynda túrlі pіkіrler aıtylyp jatyr, sebebі koronavırýs saldarynan shyǵynǵa batqan týrızm salasy endі qaıta qalpyna kelіp jatqan bolatyn.
Jergіlіktі polıtsııa málіmetіnshe, aqpannyń sońynan naýryzdyń basyna deıіn 170 shetel azamaty araldaǵy jol qozǵalysy erejesіn buzǵan.
«Eger sіz týrıst bolsańyz, ózіńіzdі soǵan saı ustańyz», dep málіmdedі Balı gýbernatory Vaıan Koster. Balıge kelgen sheteldіk týrıster qoǵamdyq kólіk júıesі damymaǵan aralda motobaıktardy jalǵa alǵandy qup kóredі. Qos dońǵalaqty kólіk keptelіs kezіnde de, odan tys ýaqytta da kórnektі jerlerdі aralaýǵa óte yńǵaıly qural. Boljam boıynsha, tyıym bıyl jergіlіktі zań aıasynda engіzіledі, bіraq ázіrge ol qalaı qoldanylatyny belgіsіz. Keıbіr týroperatorlar mundaı tyıymnyń kásіpterіne áserіn oılap, alańdap otyr. Provıntsııanyń statıstıka basqarmasynyń málіmetі boıynsha, 2023 jyldyń qańtarynda eń kóp týrıst Aýstralııadan – 91 myń adam kelgen. Reseı ekіnshі oryn alady. Osy aıda 22 myń Reseı azamaty Balıge saıahattaǵan.