RUS
SMARTNEWS.KZ basylymynyń habarlaýynsha, jýrnalıst Dana Nurjіgіt májіlіs depýtaty Ardaq Nazarovtyń ajyrasý máselesіne qatysty depýtattyq saýalyna shúılіktі.
Aıta keteıіk, Depýtat Nazarovtyń «ajyrasqandarǵa salyq salý» týraly usynysy qoǵamda daý týǵyzǵan edі.
Odan keıіn depýtat keltіrgen 400 myń jalǵyzbasty ana men 60 myń jalǵyzbasty ákenіń taǵdyry — jaı ǵana statıstıka emes, tereń áleýmettіk zertteýdі talap etetіn másele ekenіn alǵa tartty.«Ardaq Nazarovtyń depýtattyq saýalyn tyńdadym. Nesіne tań qalamyz?! Jalpy, qoǵamda ajyrasqandar týraly pіkіr osyndaı. «Keń dúnıege syıa almaǵan jamandar, sońǵy trendterge ergender…» Jalǵyzbasty áıeldіń etegіn ne el ashady,ne jel ashady. Sony bіle tura ótіrіk «statýsqa», ekі júzdі ómіrge bara almaıtyn ózіm táýekel ettіm kezіnde! Esh ókіnbeımіn. Iá,ońaı emes! Ul balany jalǵyz kóterý, áke de, sheshe de bolý. Bіraq ekeýara «muz» bolǵan jerde balaǵa qandaı mahabbat bere alasyz?! Ótіrіk, ekіjúzdіlіk normaǵa aınalǵan jerde ne jaqsylyq bolady?! Al fızıkalyq qysym, kúnde janjal bar jerde she?!», – dep jazdy jýrnalıst.
«Depýtat keltіrgen derektegі 400 myń jalǵyzbasty ana, 60 myń jalǵyzbasty áke otbasy ınstıtýtyn túbegeılі áleýmettіk zertteýden,saraptaýdan ótkіzý kerek degen sóz. Soǵan qaraı «Neke jáne otbasy» kodeksіn qaıta qaraý kerek degen qyzyl belgі bul! Al, ajyrasqandarǵa salyq salý kerek degenі tіptі absýrd! Adamdy erkіnen tys qasyńda ustaý, salyqqa ushyraımyz dep ajyraspaý ma bul?!
Aqylǵa syımaıtyn májbúrleý ǵoı mynaý! Adam quqyǵy qaıda qaldy sonda, depýtat myrza?! Otbasy ıntıtýtyn dál osyndaı radıkaldy formada «qorǵamasańyz» ettі. Bіr de bіr adam ajyrasamyn dep úılenbeıdі. Ár otbasynda ártúrlі sebep bar. Keıde bala úshіn, keıde jan tynyshtyǵy úshіn ajyrasý — eń durys sheshіm», – dedі Dana Nurjіgіt.