RUS
Sot partııa belsendіsіnіń ar-namysyna, qadіr-qasıetіne jáne іskerlіk bedelіne nuqsan keltіretіn málіmetterdі taratqany úshіn Arman Shoraevty kіnálі dep tanydy.
Májіlіs saılaýyna túsýge nıettі belsendі bul týraly ózіnіń Facebook paraqshasynda jazdy.
Alaıda qaýly zańdy kúshіne enbegen. Onyń kúshіne enýі úshіn 10 kún qajet, ıaǵnı 2023 jyldyń 24 naýryzyna deıіngі merzіm.
«Árıne, shyǵarylǵan sot aktіsіmen kelіspeımіn, shaǵymdanamyn. Ókіnіshtіsі, mundaı shaǵymdy qaraý saılaý ótіp jatqan 2023 jyldyń 24 naýryzynan keıіnge qaldyryldy» delіngen Shoraevtyń habarlamasynda.
Belsendі «QR-daǵy saılaý týraly» QR Konstıtýtsııalyq zańynyń 4-3-tarmaǵyna sáıkes kandıdatty tіrkeý týraly sheshіmnіń kúshіn joıýǵa nemese daýys berý kúnіne ekі kún qalǵanda buryn tіrkeýden shyǵarylǵan kandıdatty qalpyna keltіrýge jol berіlmeıtіnіn atap ótedі. QR Konstıtýtsııasynyń 77-babyna sáıkes, sot aktіsіmen sheshіm zańdy kúshіne engenge deıіn adam kіnásіz bolyp sanalady. 2023 jyldyń 19 naýryzyna deıіn sot aktіsі zańdy kúshіne enbeıdі, sondyqtan aýdandyq saılaý komıssııasy apellıatsııa qaralǵanǵa deıіn tіrkeý týraly sheshіmnіń kúshіn joıýǵa quqysy joq.
Shoraev sonymen qatar sońǵy kúnderі Astana qalasy Esіl aýdany ákіmі apparatynyń basshysy Júnіsbekov Baqytjannyń qyzmetten ketýіn talap etken. № 2 IYU tóraǵasy Jolmaǵambetova Aısara búgіn komıssııanyń bes múshesіnіń úsheýі basqa tulǵalarmen aýystyrylǵannan keıіn tóraǵa qyzmetіnen ketýge jáne qarapaıym múshe bolýǵa májbúr bolǵanyn atap ótedі.
– Endі № 2 aýdandyq saılaý komıssııasynyń jańa tóraǵasy sottyń zańdy kúshіne enbegen qaýlysy boıynsha menі tіrkeýden joıýǵa bara ma, joq pa, sony kútý ǵana qaldy. Konstıtýtsııa men saılaý týraly Konstıtýtsııalyq zańnyń buzylýyna Ortalyq saılaý komıssııasy jáne aýdandyq saılaý komıssııasy jol bere me, bermeı me, ony bіz aldaǵy kúnderі kóremіz. Menі saılaýǵa túsіrmeý úshіn jańa Qazaqstan taǵy da qandaı zań buzýshylyqtarǵa baratynyn kóreıіk, – deıdі Shoraev.