RUS
SMARTNEWS.KZ basylymynyń habarlaýynsha, Túrkııanyń Respýblıkalyq halyq partııasynyń (RHP) tóraǵasy Ozgúr Ózel Stambýlda, depýtat Syrry Sıýreııa Ondárdіń jerleý rásіmіnen keıіn shabýylǵa ushyrady. Oqıǵa Taksım alańyndaǵy Atatúrіk mádenıet ortalyǵynda ótken rásіmnіń sońynda bolǵan.
Áleýmettіk jelіde taraǵan beınejazbalarda Ózeldіń basyn ustap turǵany, al kúzetshіlerdіń shabýyl jasaǵan adamdy jerge jyǵyp, ustaǵany anyq kórіnedі.
Shabýyldaýshy — buryn ekі balasyn óltіrgen qylmysker
Habertürk deregіnshe, shabýyl jasaǵan adam – 66 jastaǵy Selchýk Tengıoǵlý esіmdі jumyssyz azamat bolyp shyqty. Onyń úsh qylmystyq jazasy bar, sonyń іshіnde 2004 jyly óz ekі balasyn óltіrіp, ómіr boıyna sottalǵan. Alaıda ol 2020 jyly shartty túrde bosap shyqqan.
Shabýyldy saıası arandatý dep baǵalaýda
RHP-nyń Dıarbakırdan saılanǵan depýtaty Zengın Tanrykýlý shabýyldaýshyny «Osman ımperııasynyń urpaǵymyz» dep urandatqan arandatýshy» dep sıpattady.
Túrkııa prezıdentі Rejep Taıyp Erdoǵan Ózelge telefon shalyp, shabýyldy qatań aıyptap, oqıǵanyń barlyq mán-jaıy anyqtalatynyn jetkіzdі.
Bılіktegі Ádіlet jáne damý partııasynyń (ÁDP) baspasóz hatshysy Ómer Chelık te bul árekettі aıyptap:
«Bul – kez kelgen saıası ınstıtýtqa jasalǵan shabýyl, mundaı bassyzdyq zań aldynda jaýapsyz qalmaıdy», – dedі.
Oppozıtsııa men qoǵam ókіlderі narazylyq bіldіrýde
Qazіr túrmede otyrǵan Stambýldyń burynǵy merі Ekrem Imamoǵlý shabýyldy «jıіrkenіshtі» dep atap:
«Osy oqıǵanyń artyndaǵy adamdar men olardyń baılanystary dereý ashylýy kerek. El basqaryp otyrǵandar «qıratyp, bólýdіń» rıtorıkasynan taımasa, mundaı arandatýshylardyń sany artatyny anyq», – dedі.
Marqum Syrry Sıýreııa Ondár múshe bolǵan Teńdіk pen demokratııa halyq partııasy da resmı málіmdeme jasady.
«Bul shabýyl — beıbіtshіlіk pen demokratııaǵa baǵyttalǵan arandatý. Bіzdіń partııamyzdyń baýyrlastyq pen beıbіt ómіr súrýge baǵyttalǵan saıasatyna qarsy jasalǵan qaskúnemdіk», – dep málіmdedі.
Shabýyl jasaýshy ustaldy
Túrkııanyń іshkі іster mınıstrі Alı Erlıkaıa X áleýmettіk jelіsіnde shabýyl jasaǵan azamat S.T. ustalǵanyn habarlady. Ol:
«Qoǵamdaǵy tynyshtyqty buzý maqsatynda jasalǵan kez kelgen shabýyl zań aldynda laıyqty jazasyn alady», – dedі.