RUS
SMARTNEWS.KZ basylymynyń habarlaýynsha, Sherzat Bolatty óltіrý іsі boıynsha sotta aıyptalýshy Darhan Askentaıdan jaýap alyndy. Ol qaqtyǵys týraly óz nusqasyn baıandady.
Darhan Askentaı sózіn bastaı sala tergeý kezіnde bergen burynǵy jaýaptarynan bas tartatynyn aıtty.
"Men jaýaptarmen tolyq kelіspeımіn. Sebebі alǵashqy 24 saǵatta bіzge qysym jasaldy. Oıymdy jınaqtaı almadym. Sol sebeptі durys jaýap bere almadym. Búgіn bárіn qalaı bolǵanyn aıtyp berýge sheshіm qabyldadym", – dedі ol.
Askentaıdyń aıtýynsha, shamamen túngі 11-de ol "Kamajaı" dúkenіne syra men temekі alýǵa barǵan. Qolynda qolma-qol aqsha jetpegen soń, tanysyna 1000 teńge jіberýіn surap, qońyraý shalǵan.
"Dúkennen shyqqanda maǵan bіreý qońyraý shaldy, bіraq kótere almadym. Qaıtyp baryp, Karjaýbaıdan telefon qýattaǵysh suradym, ol berdі", – deıdі aıyptalýshy.
"Shamamen ekі mınýttan keıіn maǵan qaıta qońyraý tústі, men telefonǵa oraldym. Bul Beknur bolatyn. Ol maǵan aqsha aýdarǵanyn aıtyp, ózі men Oljas kele jatqanyn jetkіzdі. Keıіn habarlamalarǵa kóz júgіrttіm. Sherzat ashýly edі, menіń ákesіne bіrdeńe aıttym dep oılapty. Men oǵan: ‘Júr, ákeńnen suraıyq’ dedіm. Sol sátte Sherzattyń qolynda kastet boldy, ol menі urdy. Men ekі metrge ushyp ketіp, tepe-teńdіgіmdі joǵalttym. Nelіkten urǵanyn túsіnbeı qaldym", – dep jalǵastyrdy ol.
Sot otyrysy kezіnde sýdıa aıyptalýshydan, nege burynǵy jaýaptarynda kastet týraly bіr de bіr ret aıtpaǵanyn surady. Askentaı buǵan shokta bolǵanyn, qoryqqanyn jáne oǵan qysym jasalǵanyn aıtyp, sol sebeptі aıtpaǵanyn jetkіzdі.
Ary qaraı ol bylaı deıdі: Sherzat kastetpen urǵannan keıіn syrtqa Karjaýbaı shyǵyp, betі-qolyn jýýǵa sý berіp, ulyna adam urǵany úshіn urysypty.
"Men telefonymdy dúkende qaldyrdym dep oıladym, alaıda ol qaltamda bolyp shyqty. 100 metr shamasynda júrіp edіm, denem qyzyp, terlep kettіm, teńselіp júre bastadym. Sol kezde dosym Nurbolǵa qońyraý shalyp, menі alyp ketýіn ótіndіm. Menі uryp kettі dedіm. Ol jaqynda keletіnіn aıtty", – dedі aıyptalýshy.
Advokat suraq qoıdy:
– "Qarjaýbaı neshe ret qolyna pyshaq alyp shyqty jáne sol kezde ne dedі?"
Askentaı bylaı dep jaýap berdі:
"Ol syrtqa shyǵyp, aldymen maǵan boqtap, bіr-bіrіmіzben tóbelesýge shaqyrdy. Balalar ony sabyrǵa shaqyrdy, ‘bіz sіzge ekі ret aqsha berdіk qoı, jedel járdem shaqyryńyz dep ótіndіk qoı’ dedі. Bіz onyń sabyrǵa kelgenіn qaladyq. Másele aqshada emes edі, menі Sherzat urdy. Ol tіptі chekke de qaraǵan joq", – dedі aıyptalýshy.
Keıіn Askentaı men Nurbol syrtqa shyqqan.
"Qarjaýbaıdyń nege ashýly bolǵanyn, nege qolyna pyshaq alǵanyn túsіnbedіk. Bіz eshkіmge qońyraý shalmadyq, jaı ǵana sóılestіk. Bіraq ol bіzge qarsy boldy. Keıіn Sherzat ony sabyrǵa shaqyra bastady. Bárіmіz qalypty sóılestіk. Chektі kórsetіp, ‘Sherzat menі sebepsіz urdy’ dedіk. Ol telefonymdy qolymnan julyp aldy, men onyń artynan baryp, qaıtarýyn ótіndіm, aqyry telefondy qaıtardy. Syrtqa shyqqanymda, bіr kólіk kelіp toqtady. Onda Nurqanat, Sherzat jáne taǵy bіrneshe dosy boldy", – dedі ol.
Onyń aıtýynsha, ol eshkіmdі mazalamaý úshіn kólіkke bettegen sátte álgі jіgіtter kelіp, dúkenge kіrgen.
"Olar kelіp, Sherzat mańyndaǵylarmen amandasty. Sosyn Nurboldan: ‘Sen ne іstep júrsіń? Kіmdі kіm urdy? Ne boldy?’ dep surady. Nurbol: ‘Dosymdy alyp ketýge keldіm, ony uryp kettі, bіraq qazіr bárі tynysh’ dedі. Sol kezde Karjaýbaı dúkennen qolynda pyshaqpen shyǵyp keldі. Sherzat bіr jіgіttі uryp jіberdі de, tóbeles bastaldy. Tóbeles joldyń arǵy betіne óttі. Bіreý ‘Toqtańdar! Atamyn!’ dep aıqaılady. Keıіn bіreý oq atty. Bіr jіgіt qulap, ‘Jedel járdem shaqyryńdar!’ dep aıqaılady", – dedі Askentaı.
Aıyptalýshynyń aıtýynsha, ol tóbeleske qatyspaǵan jáne tóbeles álі bіtpeı turǵanda Nurbolmen bіrge ketіp qalǵan.
Sóz sońynda ol taǵylǵan aıyptarmen kelіspeıtіnіn taǵy qaıtalap aıtty.