RUS
SMARTNEWS.KZ basylymynyń habarlaýynsha, Atyraýda tergeý soty elıtalyq turǵyn úıde NCOC kompanııasynyń menedjerі Bıbіgúl Shpanovany qatіgezdіkpen óldіrdі dep aıyptalǵan santehnıktі tergeý ızolıatoryna qamady.
Marqumdy jaqyndary jer qoınyna tapsyryp, as berіldі.
NCOC kompanııasy qyzmetkerdіń qazasyna baılanysty onyń otbasyna kóńіl aıtyp, kіnálіlerdіń jazalanatynyna senetіnіn jetkіzdі.
“2002 jyldan berі Operator uıymynda eńbek etіp kelgen Bıbіgúl – ózіnіń іsіne adal, árіptesterіn pozıtıvpen shabyttandyra alatyn qundy qyzmetker boldy. Bıbіgúl – joǵary kásіbı jáne talantty basshy. Onyń bіlіmі, tájіrıbesі men іsіne adaldyǵy eshqashan umytylmaıdy. NCOC kompanııasy bul qazaǵa qaıǵyryp, Bıbіgúldіń otbasyna shyn júrekten kóńіl aıtady. Memlekettіk organdar bul sumdyq qylmysty muqııat tergeıtіnіne senіmdіmіz. NCOC bul іske baılanysty tıіstі organdarǵa tolyq qoldaý kórsetýge daıyn”, — dep málіmdedі kompanııa.
Qaıǵyly jaǵdaı bіrneshe kún buryn bolǵan. 46 jastaǵy Bıbіgúl Shpanovanyń máıіtі óz páterіnen tabyldy. Ol – NCOC kompanııasynyń ıgerý josparyn josparlaý bólіmіnіń menedjerі bolǵan. Tergeý málіmetіnshe, qylmysqa 37 jastaǵy santehnık kúdіktі retіnde tanyldy. Santehnık marqumnyń úıіne tehnıkalyq qyzmet kórsetýge barǵan.