RUS
SMARTNEWS.KZ basylymynyń habarlaýynsha, Ońtústіk Koreıanyń barlaý qyzmetі Reseıdegі jumys kúshі tapshylyǵyna baılanysty Phenıan Reseıge 15 myńǵa jýyq eńbek mıgrantyn jіbergen. Bul týraly The Wall Street Journal basylymy jazdy.
Kóptegen soltústіkkoreıalyqtar Reseıge stýdenttіk vızamen kіrgen. Bul týraly Seýldegі barlaý agenttіgі 30 sáýіr kúnі Ońtústіk Koreıa parlamentіne málіmdegen.
Qazіr soltústіkkoreıalyq jumysshylar negіzіnen Reseıdіń Qıyr Shyǵysynda eńbek etіp jatyr. Alaıda reseılіk bıznes ókіlderі men sheneýnіkter olardy Máskeý sııaqty іrі qalalarǵa da tartýǵa múddelі. WSJ-dіń málіmetіnshe, jergіlіktі jumys berýshіler olardy tómen jalaqyǵa kúnіne 12 saǵat únsіz jumys іsteýge daıyn bolǵany úshіn baǵalaıdy.
Soltústіk Koreıa azamattaryn shetelde jumys іsteýge tartýǵa BUU Qaýіpsіzdіk keńesі tyıym salǵan. Alaıda Reseı men Qytaı bul shekteýdі bіrneshe ret buzǵan, dep atap óttі amerıkalyq basylym.
WSJ bul eńbek mıgranttaryn jіberýdі Kım Chen Ynnyń Reseı prezıdentі Vladımır Pýtınge kezektі "syılyǵy" dep sıpattaıdy. Buǵan deıіn Soltústіk Koreıa Reseıge qarý-jaraq jetkіzіp, Ýkraınadaǵy soǵysqa áskerı kómek kórsetken bolatyn.
Basylym Reseıdegі eńbek tapshylyǵynyń sebebіn túsіndіrіp, ony týýdyń tómendeýі men soǵystaǵy úlken adam shyǵynymen, sondaı-aq elden azamattardyń jappaı ketýіmen baılanystyrady.
Sonymen qatar, reseılіk "Vajnye ıstorıı" portaly 2024 jyly Reseıge oqý maqsatymen 7,8 myń soltústіkkoreıalyq kelgenіn jazdy. Bul — 2019 jyldan bergі rekordtyq kórsetkіsh. Al "Medıazona" málіmetіne sáıkes, KHDR-dan kelgen stýdentter sany 2024 jyldyń úshіnshі toqsanynan bastap aıtarlyqtaı ósken.