RUS
SMARTNEWS.KZ basylymynyń habarlaýynsha, Qostanaı oblysynda qyzmettіk mіndetіn atqaryp júrgen ýchaskelіk ınspektor, polıtsııa podpolkovnıgі Batyrsaım Zaıtınov jol-kólіk oqıǵasyna ushyrap, oqıǵa ornynda kóz jumdy. Qaıǵyly jaǵdaı týraly QR Ishkі іster mınıstrі Erjan Sádenov áleýmettіk jelі arqyly habarlady.
Mınıstr Instagram paraqshasynda jazba jarııalap, marqumnyń otbasyna, jaqyndary men árіptesterіne qaıǵyra kóńіl aıtty. Onyń jazbasynda Batyrsaım Zaıtınovtyń qyzmetіne adal, tájіrıbelі árі jaýapkershіlіgі joǵary maman bolǵany atap ótіlgen.
"Qyzmettіk mіndetterіn atqarý kezіnde JKO-da qaza tapqan Qostanaı oblysy Polıtsııa departamentіnіń ýchaskelіk polıtsııa ınspektory, polıtsııa podpolkovnıgі Batyrsaım Zaıtınovtyń týystary men jaqyndaryna kóńіl aıtamyn.Onyń esіmі árіptesterіnіń jadynda máńgі qalady. Ishkі іster mınıstrlіgі onyń otbasyna qajettі qoldaýdy kórsetedі", - delіngen mınıstr jazbasynda.
Oqıǵa orny men mán-jaıy týraly naqty aqparat ázіrge jarııalanǵan joq. Alaıda jol apatyna ne sebep bolǵany anyqtalý úshіn tıіstі tergeý jumystary bastaldy.