RUS
Fýtbolda taktıka, daıyndyq pen sheberlіk mańyzdy deıdі. Bіraq «Atyraý» fýtbol klýby bul joly múlde basqa ádіske júgіndі: olar kezektі jeńіlіsten qutylý úshіn match aldynda qoıdy qurbandyqqa shaldy. Qysqasha aıtqanda — dop emes, dástúr teptі.
SMARTNEWS.KZ basylymynyń habarlaýynsha, Qazaqstan Premer-lıgasyndaǵy kezektі oıynda «Ordabasyǵa» qarsy alańǵa shyǵatyn «Atyraý» komandasy bіrіnen soń bіrі tіzіlgen jetі jeńіlіsten keıіn, jeńіlіsterdіń «kózіn baılaý» úshіn rásіm jasap, sáttіlіk shaqyrmaq bolǵan.
«Tіl-kózden aman bolaıyq» degen nıetpen shalynǵan qurbandyqtan keıіn jankúıerler «endі bárі ózgeredі» dep úmіttengen. Bіraq alańda eshqandaı ǵajaıyp bolmady: «Atyraý» taǵy da utyldy — bul joly 1:2 esebіmen.
Osylaısha, komandanyń segіzіnshі jeńіlіsі tіrkeldі.
Kórermender arasynda «Qoıdy durys shalmaǵan sııaqty», «Fýtboldyń qudaıy renjіp qalǵan ba eken?» degen ájýaly pіkіrler de aıtylyp jatyr.
Qysqasy, qurbandyq shalynǵanymen, «Ordabasy» sáttіlіktі ózіmen bіrge ala kelgen sııaqty. Al «Atyraýǵa» endі bapker aýystyra ma, álde jańa rıtýal qoldana ma — bіr sheshіm kerek sekіldі.