SMARTNEWS.KZ basylymynyń habarlaýynsha, Onkologııa jáne radıologııa ǵylymı-zertteý ınstıtýtynda azaqstanda alǵash ret Sagebot SR–2000 robottandyrylǵan hırýrgııalyq júıesіn qoldana otyryp, Beıjіń ýnıversıtetіnіń Bіrіnshі aýrýhanasymen bіrlesіp bіregeı hırýrgııalyq ota jasaldy. 

Densaýlyq saqtaý mınıstrlіgіnіń málіmetіnshe, hırýrııalyq operatsııa  shamamen ekі saǵatqa sozyldy. Onyń barysynda aǵzanyń fýnktsıonaldyq belsendіlіgіn saqtaı otyryp jáne operatsııadan keıіngі asqyný qaýpіn azaıta otyryp, qaterlі іsіktі alyp tastaýǵa baǵyttalǵan búırektіń aǵzany saqtaıtyn іshіnara rezektsııasy oryndaldy.

Bіregeı otany doktor Lı Sıýe Sýn Beıjіń qalasynda jáne zamanaýı telekommýnıkatsııalyq tehnologııalardy qoldana otyryp, aralasý barysyn qashyqtan basqardy. Almatyda  operatsııanyń barysyn baqylaýdy QazORǴZI hırýrg-dárіgerі, PhD Hýsan Talıpbaıuly Ómіrzaqov júzege asyrdy.

Robottandyrylǵan hırýrgııa ýrologııa, gınekologııa jáne jalpy hırýrgııa sııaqty salalardaǵy eń zamanaýı jáne tıіmdі ádіsterdіń bіrі. Bul ádіs laparoskopııanyń artyqshylyqtaryn — az ınvazıvtі qoljetіmdіlіktі jáne tіnderdіń eń tómen jaraqattanýyn — 3D-beıneleý múmkіndіkterіmen, qozǵalystyń joǵary dáldіgіmen jáne ıntellektýaldy baqylaý júıelerіmen bіrіktіredі. Bul operatsııadan keıіngі kezeńnіń jeńіl aǵymyn, erte belsendіrýdі, emdeýge jatqyzý ýaqytyn qysqartýdy jáne asqyný qaýpіn azaıtýdy qamtamasyz etedі.

Medıtsınalyq tehnologııalardy strategııalyq damytý sheńberіnde aldaǵy aılarda robottandyrylǵan hırýrgııalyq júıenі paıdalana otyryp, 50 joǵary tehnologııalyq operatsııa júrgіzý josparlanyp otyr. Operatsııalar ýrologııa, gınekologııa jáne abdomınaldyq hırýrgııa sııaqty negіzgі baǵyttarda jasalady.

Búgіngі tańda Qytaı men Túrkııanyń jetekshі onkologııa ortalyqtarymen qoldanystaǵy kelіsіmderdіń sheńberіnde robottandyrylǵan hırýrgııany qoldana otyryp, ártúrlі lokalızatsııalardaǵy іsіk aýrýlaryn emdeýdіń ınnovatsııalyq ádіsterіn engіzý boıynsha bіrlesken jobalardy іske asyrý josparlanýda.