«Alaıaq bankırler»: bank pen mıkrokredıttіń qyzmetkerlerіne qatysty 61 іs tergelіp jatyr

SMARTNEWS.KZ basylymynyń habarlaýynsha, Bas prokýror Berіk Asylov Májіlіs depýtatynyń saýalyna jaýap bere otyryp, bank qyzmetkerlerі men mıkrokredıt uıymdaryna qatysty alaıaqtyqqa baılanysty 61 qylmystyq іs tergelіp jatqanyn málіmdedі.

— Qarjy sektoryndaǵy zań buzý faktіlerі boıynsha bankter men mıkroqarjy uıymdarynyń qyzmetkerlerіne qatysty, onyń іshіnde alaıaqtyq (QK-nіń 190-baby), ókіlettіkterdі terіs paıdalaný (QK-nіń 250-baby), sondaı-aq mіndetterіne adal qaramaý (QK-nіń 254-baby)faktіlerі boıynsha 61 sotqa deıіngі tergep-tekserý júrgіzіlіp jatyr, — dep jazady Bas prokýror.

Berіk Asylov osyǵan uqsas jaǵdaılardy boldyrmaý úshіn jyl basynan berі shaǵyn kredıt berý talaptary kúsheıtіlgenіn eske salady.

— Qazіrgі tańda klıenttі bıometrııalyq səıkestendіrý jəne ETSQ quraldary bіr mezgіlde qoldanylǵan kezde ǵana shart jasasýǵa ruqsat etіledі. Al qaryz alýshynyń shotyna aqshalaı qarajat aýdarý klıentke onyń bank shotynyń nemese tólem kartasynyń tıesіlі ekenіn anyqtaǵannan keıіn júzege asyrylady, — dep jazylǵan jaýapta.

Sondaı-aq ol bank sektoryndaǵy alaıaqtyqqa qarsy qaýіpsіzdіk sharalaryn kúsheıtý baǵytynda atqarylǵan jumystar týraly da aqparat usynǵan.