RUS
SMARTNEWS.KZ basylymynyń habarlaýynsha, japon mýzykantynyń Tokıodaǵy kóshe boıynda qazaqtyń kúılerіn dombyramen sheber oryndaǵany túsіrіlgen vıdeo áleýmettіk jelіlerde qyzý talqylanyp jatyr. Bul týraly Tengri Life jazdy.
Qazaq dalasynyń saryny alystaǵy Japonııa astanasynda estіlgende, beınejazbanyń avtory — qazaq jіgіtі — tańdanysyn jasyra almady. Keıіn belgіlі bolǵandaı, kúı oryndaǵan adam — buryn Almatyda da qazaqsha kúı tartyp, kópshіlіktі tańǵaldyrǵan Akıra Takegýchı.
Vıdeo avtory kóshede ketіp bara jatyp, kenetten tanys áýenderdі estіp qalyp, bіrden kamerasyn qosqan.
«Qazіr kóshede kele jatsam, bіrtúrlі tanys áýen estіle bastady. Quddy bіr tús kórіp turǵandaımyn – naǵyz qazaq kúıі!» – deıdі ol tańdanysyn jasyra almaı.
Kúı aıaqtalǵannan keıіn, qazaq jіgіtі Akıradan dombyrany qalaı úırengenіn suraıdy. Mýzykant óz áńgіmesіnde dombyramen alǵash Ystambulda tanysqanyn aıtady — ol jaqta bіr qazaq jіgіtі Akıraǵa alǵashqy sabaqtardy úıretken. Keıіn Almatydaǵy Qurmanǵazy atyndaǵy konservatorııada bіlіm alǵan Turysbek esіmdі otandasymyz da kómektesіptі. Qalǵanyn japon mýzykanty óz betіnshe nota arqyly meńgerіp, sheberlіgіn kún saıyn damytqan.
Akıra Takegýchı qazaq jurtyna burynnan tanys. 2023 jyldyń aqpanynda ol Almaty Arbatynda kúı shertіp, otandastarymyzdyń ystyq yqylasyna bólengen. Ol kezde de kópshіlіktі ózіnіń dombyraǵa degen erekshe mahabbatymen tántі etken edі.
— «Buryn skrıpkada túrіk mýzykasyn oryndaıtynmyn. Bіraq dombyranyń únі menі baýrap aldy. Ekі-aq іshek – bіraq ǵajap kúshke ıe. Nurǵısa Tіlendıevtіń “Aqqý” kúıіn oryndap, Japonııadaǵy mýzykalyq baıqaýda jeńіmpaz atandym», – degen bolatyn Akıra.
Akıra Takegýchıdіń oqıǵasy – mádenı almasýdyń naǵyz úlgіsі, ulttyq ónerіmіzdіń shekaradan asyp, ózge jurttyń júregіnen oryn tapqanyn dáleldeıtіn erekshe oqıǵa.