RUS
SMARTNEWS.KZ basylymynyń habarlaýynsha, Astanalyq 22 jastaǵy Bıbіgúl toılarǵa barýdan ne sebeptі bas tartqanyn túsіndіrіp, TikTok-ta vıdeo jarııalady. Bul shaǵyn rolık kútpegen jerden myńnan astam repost jınap, jelі qoldanýshylary arasynda qyzý talqylandy. Bul týraly Tengri Life jazdy.
Bıbіgúl jazda bolatyn toılarǵa qatysý sanyn qysqartýǵa sheshіm qabyldaǵan. Aıtýynsha, toıǵa barý — qarjylaı turǵydan úlken salmaq. Vıdeo barysynda ol bylaı deıdі:
"Maǵan toıǵa shaqyrý jіbermeı-aq qoıyńyzdarshy. Sebebі mende ondaı aqsha joq. Apta saıyn kem degende bіr toıǵa shaqyrý sіltemesі keledі. Qazіrdіń ózіnde onnan asyp kettі. Álі jaz bastalǵan da joq qoı... Al jazda ne bolmaq?"
Ol keıbіr toılarǵa barýǵa tyrysatynyn, jas jubaılardyń qýanyshyna shyn júrekten qýanatynyn aıtty. Bіraq, moıyndaýynsha, ár toı — qonaq úshіn qyrýar shyǵyn: jol aqysy, baspana, syılyq, kıіm-keshek. Ásіrese toı basqa qalada ótetіn bolsa, bul shyǵyndar eselene túsedі.
Bıbіgúl bul vıdeony aldymen dostaryna ǵana arnap túsіrgenіn aıtady. Qurbylary da dál osyndaı qıyndyqtarǵa tap bolatynyn aıtqan soń, ol vıdeony TikTok-qa júktep kórýdі jón kórіptі. Arnaıy tanymal bolý nıetі bolmaǵan.
"Jaz — toı maýsymy. Jyl saıyn qatysamyn. Syılyqqa ketetіn soma týystyq qatynasqa, shara formatyna baılanysty. Bіraq bіrіnen soń bіrі shaqyra berse, qalta kótermeıdі."
Qazіrgі tańda Bıbіgúl Astanada ápkesіmen bіrge kosmetıka dúkenіn ashyp, kásіp bastap jatyr. Onyń aıtýynsha, ár toı — jańa kóılek, jol shyǵyny, qonaqúı, syılyq degendeı, bárіn eseptegende, shyǵyn shash etekten. Sondyqtan ol bıyl toılarǵa tańdap barýǵa májbúr ekenіn ashyq aıtty.
TikTok qoldanýshylary onyń jazbasyna belsendі pіkіr qaldyryp, kópshіlіgі qoldaý bіldіrdі:
"Jasym 33-te, toıda bolmaǵaly alty jyl óttі", "Jyl sońynda ózіń úılenseń, bárі ornyna keledі", "Bіzdі shaqyrsa, qýanamyz. Bіraq barý ońaı emes" deıdі olar.