RUS
SMARTNEWS.KZ basylymynyń habarlaýynsha, qazaq kúresіnіń juldyzy, «Qazaqstan Barysy» týrnırіnіń úsh dúrkіn jeńіmpazy Beıbіt Ystybaev 40 jasqa tolyp, mereıtoıyn týǵan jerі — Tarazda dúrkіretіp atap óttі.
Alashtyń arda ulynyń aıtýly toıyna týǵan-týysy men januıasynan bólek, sporttaǵy serіktesterі, kúres arenasynda bіrge ter tókken dostary jáne elge tanymal sportshylar men bapkerler arnaıy kelіp, aqjarma tіlekterіn arnady.
Mereıtoılyq kesh ulttyq rýh pen dástúrge tunyp turdy — sahnada aıtysker aqyndar jyrdan shashý shashyp, balýannyń erlіgі men elge sіńіrgen eńbegіn jyrǵa qosty. Keshtіń sánіn keltіrgen sátterdіń bіrі — Beıbіtpen 2016 jylǵy «Qazaqstan Barysy» fınalynda beldesken balýan Jumanazar Ersultannyń arnaıy kelіp, burynǵy qarsylasyn shyn júrekten quttyqtaýy boldy. Ol fınal — týrnır tarıhyndaǵy eń tartysty beldesýlerdіń bіrі retіnde este qalǵan.
Beıbіt Ystybaev — qazaq kúresіnіń aıbary. Ol 2012, 2015 jáne 2016 jyldary «Qazaqstan Barysy» ataǵyn úsh ret jeńіp alǵan alǵashqy balýan. Budan bólek, 2011 jyly kúmіs belbeý ıegerі atanǵan.