RUS
SMARTNEWS.KZ basylymynyń habarlaýynsha, Pýtınnіń jurtshylyqty aldap júrgenіn aıtty Germanııadaǵy bılіk koalıtsııasyna kіretіn Hrıstıan-demokratııalyq odaǵynyń (HDO) syrtqy saıasat jónіndegі sarapshysy Roderıh Kızevetter.
«Reseı prezıdentіnіń Ýkraınadaǵy uzaqmerzіmdі bіtіmge kelý týraly usynysqa jaýaby – onyń shynaıy nıetіn kórsetetіn lakmýs qaǵazy», deıdі Roderıh Kızevetter.
Onyń aıtýynsha, Vladımır Pýtınnіń Ýkraınamen kelіssózder bastaý týraly málіmdemesі Kremldіń shyn beıbіt sheshіmge kelýge nıetі joq ekenіn kórsetedі jáne bul jaı ǵana nazardy burý amaly. Bul týraly Kızevetter 11 mamyr kúnі Reuters agenttіgіne aıtty.
Depýtat: «Reseı soqqylaryn toqtatpaı turyp qandaı kelіssóz týraly aıtýǵa bolady? Urlanǵan balalardy qaıtarý ma? Okkýpatsııalanǵan aýmaqtaǵy adamdardyń jaǵdaıy ma?» – dep rıtorıkalyq suraq qoıdy.
Kızevetterdіń pіkіrіnshe, Pýtınnіń beıbіt nıetі bar-joǵyn anyqtaıtyn basty belgі – Reseıdіń 30 kúndіk tolyq bіtіmge kelіsýі.
Ol: «Pýtındі sózіmen emes, іsіmen baǵalaý kerek», – dep, Reseıdіń Kıev pen Pokrovskіge jasaǵan jańa shabýyldaryn eske saldy.
Sonymen qatar, depýtat Pýtınnіń sózі Ýkraına egemendіgіn, ásіrese halyqaralyq deńgeıde moıyndalǵan shekaralaryn qurmetteýge esh daıyn emes ekenіn aıqyn kórsetetіnіn aıtty.
Buǵan deıіn Kıevte ótken kezdesýde Ýkraına prezıdentі Vladımır Zelenskıı, Germanııa kantslerі Frıdrıh Merts, Frantsııa prezıdentі Emmanýel Makron, Ulybrıtanııa premer-mınıstrі Kır Starmer jáne Polsha premerі Donald Týsk Reseıge 12 mamyrdan bastap qurlyqta, aspanda jáne teńіzde kemіnde 30 kúnge tolyq, sózsіz bіtіm jarııalaýǵa shaqyrǵan bolatyn.
Oǵan jaýap retіnde Pýtın túnde málіmdeme jasap, Ýkraınaǵa 15 mamyrda Ystambulda eshqandaı aldyn ala shartsyz tіkeleı kelіssóz ótkіzýdі usyndy. Ol «qaqtyǵystyń túp-tamyryn joıý jáne tarıhı turǵyda uzaq merzіmdі beıbіtshіlіk ornatý» qajet ekenіn aıtty.
Alaıda Ýkraına men tórt eýropalyq eldіń naqty usynysyna tіkeleı jaýap bermedі. Buǵan deıіn Kreml ókіlі Dmıtrıı Peskov Reseıdіń bіtіmge kelýge daıyn ekenіn, bіraq «keıbіr nıýanstardy» eskerý kerektіgіn aıtqan edі.
Kıev bolsa, turaqty árі senіmdі bіtіmsіz eshqandaı kelіssóz bolmaıtynyn málіmdedі. Zelenskıı:
«Kіsі óltіrýdі bіr kúnge bolsa da jalǵastyrýdyń mánі joq», – dedі.
AQSh prezıdentі Donald Tramp ekі tarappen de jumys іsteı beretіnіn aıtty, al Makron Pýtınnіń usynysyn «jetkіlіksіz» dep baǵalap, ony shynaıy beıbіt kelіsіmge qol jetkіzýden qashyp otyr dep aıyptady.