RUS
«Qazіrgі saqtandyrý júıesі áleýmettіk táýekeldіń 5 túrіnen saqtandyrady. Bul – halyqaralyq standarttarǵa jáne naqty ekonomıkalyq jaǵdaılarǵa saı keletіn júıe. Sondyqtan, onyń negіzі saqtalady. Degenmen, maqsaty ózgeredі. Júıe áleýmettіk tólem tóleýge ǵana baǵyttalmaı, eń aldymen, azamattardy formaldі jumys іsteýge yntalandyrýdy kózdeıtіn bolady», - dedі mınıstr.
Bul rette ol usynylatyn ózgerіsterdіń basty trendі bіrіnshіden - júıege memleket, jumys berýshіler men jumyskerlerdіń qatysýy ekendіgіn atap óttі.
«Ekіnshіden - júıege qatysý ýaqyty men áleýmettіk tólemder arasyndaǵy baılanysty kúsheıtý, úshіnshіden áleýmettіk jarnalaryn ýaqytyly aýdaryp otyrǵan jumyskerlerge saqtandyrý qorlarynan áleýmettіk tólemder mólsherіn kezeń-kezeńіmen ulǵaıtý bolmaq. Mysaly jumyssyz qalǵan azamattarǵa áleýmettіk saqtandyrý júıesіne jarna tólegen ýaqytyna sáıkes 6 aıǵa deıіn burynǵy tabysynyń 45 paıyzyn tóleý qarastyrylyp otyr», - dedі Tamara Dúısenova.