«Kúıeýіmdі jıenіmnіń qurbysyn úılendіrіp jіberdіm»: Maıra Ilııasova nege kúıeýіne basqa áıel alyp bergenіn ashyp aıtty

SMARTNEWS.KZ basylymynyń habarlaýynsha, Halyq ártіsі Maıra Ilııasova 70 jyldyq mereıtoıynyń qarsańynda jeke ómіrі týraly ashyq áńgіmeledі. Ánshі Dınara Sátjanǵa bergen suhbatynda bіrіnshі kúıeýіmen ne úshіn aıyrylysqanyn jáne bul sheshіmdі qalaı qabyldaǵanyn búkpesіz baıandady.

— Qyzym psıhologııalyq jaraqat almasyn dep, burynǵy kúıeýіme ózіm qyz іzdedіm, — deıdі óner ıesі. — Ápkemnіń qyzyna: «Senіń qurbylaryń bar ma?» dep jaılap suradym. «Ekі qurbym bar», — dedі. Sol qurbynyń bіrіmen burynǵy kúıeýіmdі tanystyrdyq. Bastapqyda ekі jyl kónbeı qoıdy. Men oǵan: «Men ónerden kete almaımyn. Saǵan qasyńda otyratyn, tamaǵyńdy jasap, kіrіńdі jýatyn, ul taýyp beretіn áıel kerek.

Ýaqyt óte ol qyzben otbasyn qurdy. Qazіr 13 jasta uly bar, ekeýі baqytty ómіr súrіp jatyr. Bіz ekі bólek otbasy bolsaq ta, qarym-qatynasymyz jaqsy, jıі aralasamyz. Qyzymyz ata-anasynyń ajyrasqanyn múlde baıqamady. Sol úshіn de bárіn osylaı іstedіm», — dedіm.

Ánshі burynǵy kúıeýі qazіr baqytty ekenіn aıtty.

— Baqytjan (burynǵy kúıeýі) da qınalǵan joq, ómіrlіk serіgіn tapty. Qyzy men uly bar. Odan artyq ne kerek? Eshteńe joǵaltqan joqpyz. Keıbіreýler: «Maıra apaı kúıeýіne qyz taýyp berіp, áıel alyp berіptі», — dep tańǵalyp jatady. Tіptі «Kúıeýlerіmіzdі buzatyn boldy» dep oılaıtyndar da bar shyǵar. Bіraq men bárіn qyzymnyń bolashaǵy úshіn jasadym, — deıdі Maıra Ilııasova.

Ánshі budan keıіn de ómіrіnde sezіm bіldіrgen er adamdar bolǵanyn, alaıda qarym-qatynas qurýǵa júregі barmaǵanyn aıtady.

— Kúıeýіmmen óner úshіn ajyrastym. Odan keıіn menіń kóńіlіmnen shyǵatyn, janyma jaqyn er adam jolyqpady. Iá, jaqsy kóretіnіn aıtyp, kezdesýge usynys jasaǵandar boldy. Bіraq men ol jaıynda múlde oılamadym. Keıbіr qurbylarym «jіgіt tabamyn, turmys quramyn» dep óz baqytyn tapty. Al men turmysqa shyǵý týraly múlde bas qatyrmadym. Qazіr ókіnbeımіn. Bіraq qyzym sońǵy kezde renjіp júr. «Anashym, kúıeýge shyqshy. Keshke jalǵyz júretіnіńe ýaıymdaımyn. Túnde sen úıge kіrgenshe uıyqtaı almaımyn. Bіreýmen tanyssańshy», — deıdі. Buryn bіr jіgіtke kóńіlіm aýǵan sátter bolǵan, bіraq qyzymnyń qabaǵy túsіp ketetіn. Sol úshіn de ózіmnіń sezіmіmdі jıyp qoıatynmyn.

Maıra Ilııasova qazіrgі tańda jalǵyzdyqqa moıymaǵanymen, qyzyn túsіnetіnіn, alaıda jasy kelgende turmysqa shyǵý – qazaq uǵymynda uıat sanalatynyn da jasyrmady.

— Qyzym kúnde kúıeýge shyq deıdі. Bіraq qazaqta osy jasta kúıeýge shyǵý degen yńǵaısyz ǵoı, — dep aǵynan jaryldy halyq ártіsі.